లక్ష్యం 296.. ఇంగ్లాండ్‌ 183/2

లీడ్స్‌: న్యూజిలాండ్‌తో టెస్టు సిరీస్‌ను ఇప్పటికే 2-0తో చేజిక్కించుకున్న ఇంగ్లాండ్‌.. చివరిదైన మూడో టెస్టునూ నెగ్గే దిశగా అడుగులేస్తోంది. 296 పరుగుల లక్ష్యంతో బరిలోకి దిగిన ఆ జట్టు.. నాలుగో రోజు, ఆదివారం ఆట ముగిసే సమయానికి రెండో ఇన్నింగ్స్‌లో 183/2తో నిలిచింది. 51 పరుగులకే 2 వికెట్లు కోల్పోయిన ఇంగ్లాండ్‌ను జో రూట్‌ (55 బ్యాటింగ్‌; 80 బంతుల్లో 74, 16)తో కలిసి ఓలీ పోప్‌ (81 బ్యాటింగ్‌, 105 బంతుల్లో 124) పటిష్ట స్థితికి చేర్చాడు. 8 వికెట్లు చేతిలో ఉన్న ఇంగ్లాండ్‌ చివరి రోజు విజయానికి 113 పరుగులు చేయాలి. అంతకుముందు 168/5తో రెండో ఇన్నింగ్స్‌ను కొనసాగించిన న్యూజిలాండ్‌.. 326 పరుగులకు ఆలౌటైంది. బ్లండెల్‌ (88 నాటౌట్‌), మిచెల్‌ (56) రాణించడంతో ఒక దశలో 274/5తో ఉన్న కివీస్‌.. లీచ్‌ (5/66), పాట్స్‌ (3/66)ల ధాటికి 52 పరుగుల తేడాలో చివరి 5 వికెట్లు కోల్పోయింది.