కష్టాల్లో బంగ్లా

గ్రాస్‌ ఐలట్‌: వెస్టిండీస్‌తో తొలి టెస్టులో ఓటమి పాలైన బంగ్లాదేశ్‌కు.. రెండో మ్యాచ్‌లోనూ కష్టాలు తప్పట్లేదు. విండీస్‌కు 174 పరుగుల భారీ ఆధిక్యం కోల్పోయిన ఆ జట్టు.. రెండో ఇన్నింగ్స్‌లో మూడో రోజు ఆట ఆఖరుకు 132/6తో నిలిచింది. నజ్ముల్‌ శాంటో (42) మినహా ఎవ్వరూ క్రీజులో నిలవలేదు. కీమర్‌ రోచ్‌ (3/32), అల్జారి జోసెఫ్‌ (2/31) ఆ జట్టును దెబ్బ తీశారు. నురుల్‌ (16), మెహదీ హసన్‌ మిరాజ్‌ (0) క్రీజులో ఉన్నారు. నాలుగో రోజు వర్షం వల్ల మధ్యాహ్నం వరకు ఆట సాధ్యపడలేదు. తొలి ఇన్నింగ్స్‌లో బంగ్లాదేశ్‌ 234 పరుగులకే కుప్పకూలగా.. విండీస్‌ 408 పరుగులు చేసింది.