కోహ్లీని దాటిన బాబర్‌

దుబాయ్‌: టీమ్‌ఇండియా ఆటగాడు విరాట్‌ కోహ్లి రికార్డులను బద్దలు కొడుతూ సాగుతున్న పాకిస్థాన్‌ కెప్టెన్‌ బాబర్‌ అజామ్‌ మరో ఘనత అందుకున్నాడు. కోహ్లీని వెనక్కినెట్టి అత్యధిక కాలం పాటు ప్రపంచ నంబర్‌వన్‌ టీ20 బ్యాటర్‌గా అతను రికార్డు ఖాతాలో వేసుకున్నాడు. గతంలో కోహ్లి 1,013 రోజుల పాటు పొట్టి ఫార్మాట్లో బ్యాటింగ్‌ ర్యాంకింగ్స్‌లో అగ్రస్థానంలో నిలిచాడు. తాజాగా ఐసీసీ బుధవారం ప్రకటించిన టీ20 ర్యాంకింగ్స్‌లో తొలి స్థానాన్ని కాపాడుకున్న బాబర్‌ ఇప్పుడు కోహ్లీని అధిగమించాడు. ఐర్లాండ్‌తో సిరీస్‌లో అద్భుతంగా రాణించిన దీపక్‌ హుడా (47 నాటౌట్‌, 104) ఏకంగా 414 స్థానాలు ఎగబాకి 104వ ర్యాంకుకు చేరుకున్నాడు.