ఖోఖో లీగ్‌లోకి బాద్‌షా

ముంబయి: గ్రామీణ క్రీడ ఖోఖోకు బాలీవుడ్‌ గ్లామర్‌ తోడయింది. అల్టిమేట్‌ ఖోఖోతో ప్రముఖ గాయకుడు బాద్‌షా చేతులు కలిపాడు. నిర్మాత పునీత్‌ బాలన్‌తో కలిసి ఖోఖో లీగ్‌లో ఆరో జట్టైన ముంబయి ఫ్రాంచైజీని సొంతం చేసుకున్నాడు. మిగతా అయిదు ఫ్రాంచైజీల్ని కార్పొరేట్‌ దిగ్గజాలు చేజిక్కించుకున్నాయి. ఇటీవల ఒడిషా రాష్ట్ర ప్రభుత్వం, ఆర్సెలర్‌ మిట్టల్‌ నిపాన్‌ స్టీల్‌ సంయుక్తంగా ఒడిషా ఫ్రాంచైజీని కొనుగోలు చేశాయి. గుజరాత్‌ను అదాని గ్రూపు, తెలుగు జట్టును జీఎంఆర్‌ గ్రూపు, రాజస్థాన్‌ను క్యాప్రి గ్లోబల్‌, చెన్నై ఫ్రాంచైజీని క్లో స్పోర్ట్స్‌ సొంతం చేసుకున్నాయి.