త్రిపురకు సాహా

అగర్తలా: వెటరన్‌ క్రికెటర్‌ వృద్ధిమాన్‌ సాహా త్రిపుర జట్టులో చేరనున్నాడు. జట్టు మారడానికి బెంగాల్‌ క్రికెట్‌ సంఘం (క్యాబ్‌) అతడికి ఇప్పటికే నిరభ్యంతర పత్రం ఇచ్చింది. ‘‘మేం సాహాతో మాట్లాడాం. మా రాష్ట్రం తరఫున ఆడేందుకు అతడు అంగీకరించాడు. ఆటగాళ్లకు ప్రేరణ ఇవ్వడానికి సీనియర్‌ జట్టుకు అతడు మెంటార్‌గా ఉంటాడు’’ అని త్రిపుర క్రికెట్‌ సంఘం కార్యదర్శి కిశోర్‌ దాస్‌ చెప్పాడు. అతణ్ని జట్టు కెప్టెన్‌ను చేయాలా లేదా అన్నది ఇంకా నిర్ణయించలేదని తెలిపాడు. 38 ఏళ్ల సాహా.. క్యాబ్‌తో విభేదాల కారణంగా బెంగాల్‌ను వీడాలని నిర్ణయించుకున్నాడు.