కామన్వెల్త్‌ క్రీడలకు హైజంపర్‌ తేజస్విన్‌

దిల్లీ హైకోర్టుకు తెలిపిన ఏఎఫ్‌ఐ

దిల్లీ: హైజంప్‌ ఆటగాడు తేజస్విన్‌ శంకర్‌ను కామన్వెల్త్‌ క్రీడల్లో పాల్గొనే భారత జట్టుకు ఎంపిక చేస్తున్నట్లు భారత అథ్లెటిక్స్‌ సమాఖ్య (ఏఎఫ్‌ఐ) బుధవారం దిల్లీ హైకోర్టుకు తెలిపింది. కామన్వెల్త్‌ క్రీడలకు తనను ఎంపిక చేయకపోవడంపై తేజస్విన్‌ వేసిన పిటిషన్‌ను విచారించిన జస్టిస్‌ యశ్వంత్‌వర్మ.. అతని పేరును వెంటనే భారత ఒలింపిక్‌ సంఘం (ఐఓఏ)కు పంపాలంటూ ఏఎఫ్‌ఐని ఆదేశించారు. భారత రిలే బృందంలోని ఒక ఆటగాడు అనర్హుడిగా తేలినందున అతని స్థానాన్ని తేజస్విన్‌ను ఇవ్వనున్నట్లు ఏఎఫ్‌ఐ తరఫున న్యాయవాది హైకోర్టుకు తెలిపారు.