తొలి టీ20లో విండీస్‌పై కివీస్‌ విజయం

కింగ్‌స్టన్‌: వెస్టిండీస్‌తో తొలి టీ20లో న్యూజిలాండ్‌ 13 పరుగుల తేడాతో విజయం సాధించింది. కెప్టెన్‌ విలియమ్సన్‌ (47), కాన్వే (43), నీషమ్‌ (33 నాటౌట్‌) చెలరేగడంతో మొదట న్యూజిలాండ్‌ 5 వికెట్ల నష్టానికి 185 పరుగులు చేసింది. ఒడియన్‌ స్మిత్‌ మూడు వికెట్లు పడగొట్టాడు. ఛేదనలో వెస్టిండీస్‌ 7 వికెట్ల నష్టానికి 172 పరుగులే చేయగలిగింది. బ్రూక్స్‌ (42) టాప్‌ స్కోరర్‌. రొమారియో షెపర్డ్‌ (31 నాటౌట్‌), ఒడియన్‌ స్మిత్‌ (27 నాటౌట్‌), హోల్డర్‌ (25) రాణించారు. శాంట్నర్‌ (3/19) విండీస్‌ను దెబ్బతీశాడు. ఈ విజయంతో మూడు మ్యాచ్‌ల సిరీస్‌లో కివీస్‌ 1-0 ఆధిక్యం సంపాదించింది.