ముంబయి ఖిలాడీస్‌ బోణీ

పుణె: అల్టిమేట్‌ ఖోఖో లీగ్‌ ఆరంభ సీజన్‌లో ముంబయి ఖిలాడీస్‌ జట్టు బోణీ కొట్టింది. ఆదివారం గుజరాత్‌ జెయింట్స్‌ చేతిలో పరాజయంతో లీగ్‌ను మొదలెట్టిన ఆ జట్టు.. సోమవారం రాజస్థాన్‌ వారియర్స్‌పై విజయం సాధించింది. ముంబయి 51-43 తేడాతో రాజస్థాన్‌ను ఓడించింది. మ్యాచ్‌లో గెలుపు కోసం రెండు జట్లు హోరాహోరీగా తలపడ్డాయి. కానీ కీలక సమయాల్లో ఆధిపత్యం ప్రదర్శించిన ముంబయి జయభేరి మోగించింది. మరో మ్యాచ్‌లో ఒడిషా జగర్‌నట్స్‌ 51-43తో చెన్నై క్విక్‌ గన్స్‌పై గెలిచింది. ఒడిషా తరపున అటాకింగ్‌లో మహేష (6 పాయింట్లు), డిఫెన్స్‌లో దిలీప్‌ (ఒక్క నిమిషం ఒక్క సెకన్‌) రాణించారు. చెన్నైకి ఇది వరుసగా రెండో ఓటమి.