రాహుల్‌ పసిడి గురి

చాంగ్‌వాన్‌: ప్రపంచ పారా షూటింగ్‌ ఛాంపియన్‌షిప్‌లో రాహుల్‌ జక్కర్‌ మెరిశాడు. గురువారం 25 మీటర్ల మిక్స్‌డ్‌ పిస్టల్‌ షూటింగ్‌లో అతడు స్వర్ణం సాధించాడు. క్వాలిఫయింగ్‌లో 574 పాయింట్లతో రెండో స్థానంలో నిలిచి తుది పోరుకు చేరిన రాహుల్‌.. షూటాఫ్‌లో విజేతగా నిలిచాడు. ఫైనల్లో ఆరంభ రౌండ్లలో ప్రత్యర్థి కిమ్‌ కన్నా రాహుల్‌ వెనుకబడ్డాడు. అయితే చివర్లో పుంజుకుని ప్రత్యర్థితో సమానంగా నిలిచిన రాహుల్‌.. షూటాఫ్‌లోనూ గట్టిపోటీ ఎదురైనా నిలిచి గెలిచాడు. ఇదే విభాగంలో పూజ అగర్వాల్‌ కాంస్యం నెగ్గింది. పారాలింపిక్‌ ఛాంపియన్‌ అవని వీల్‌ఛైర్‌ రైఫిల్‌ విభాగంలో రజతం సొంతం చేసుకుంది.