రూ.5.3 కోట్లు ఇస్తామన్నా..

లీగ్‌లో ఆడనన్న కమిన్స్‌

దిల్లీ: ప్రపంచవ్యాప్తంగా ఫ్రాంఛైజీ క్రికెట్‌ లీగ్‌లు విస్తృతమవుతున్నాయి. అంతర్జాతీయ క్రికెట్‌పై ఈ లీగ్‌లు తీవ్ర ప్రభావం చూపుతున్నాయి. ముఖ్యంగా భారత్‌లో ఐపీఎల్‌ కారణంగా క్రికెట్‌ ఊపందుకుంది. వివిధ రాష్ట్రాలు, నగరాల్లోనూ లీగ్‌లు జరుగుతున్నాయి. అలాంటి కొన్ని లీగ్‌లు ఏకంగా ఆస్ట్రేలియా టెస్టు కెప్టెన్‌ కమిన్స్‌ను ఆడించే ప్రయత్నం చేశాయంటా! ఈ కొన్ని అంతర్‌ నగర (ఇంటర్‌ సిటీ) టీ20 లీగ్‌లు అతని కోసం రూ.5.3 కోట్లు ఇచ్చేందుకు సిద్ధమయ్యాయని తెలిసింది. కానీ దేశానికి ఆడేందుకు ప్రాధాన్యతనివ్వడం కోసం అతను తిరస్కరించాడని సమాచారం. ‘‘ఇలాంటి భారీ అవకాశాలు తరచుగా వస్తున్నాయి. కానీ ఇప్పటికీ దేశం తరపున అంతర్జాతీయ క్రికెట్లో ఆడడానికే తొలి ప్రాధాన్యతనిస్తా’’ అని కమిన్స్‌ చెప్పాడని తెలిసింది.