రన్నరప్‌గా శ్రీజ-స్నేహిత్‌ జోడీ

సూరత్‌: జాతీయ క్రీడల్లో టేబుల్‌ టెన్నిస్‌లో ఆకుల శ్రీజ-ఫిదేల్‌ స్నేహిత్‌ (తెలంగాణ) రన్నరప్‌గా నిలిచారు. శనివారం మిక్స్‌డ్‌ డబుల్స్‌ ఫైనల్లో శ్రీజ-స్నేహిత్‌ 8-11, 5-11, 6-11తో కృత్విక సిన్హా-మనుష్‌ (గుజరాత్‌) చేతిలో ఓడారు. మహిళల సింగిల్స్‌లోనూ శ్రీజకు నిరాశే ఎదురైంది. తుది పోరులో శ్రీజ 8-11, 7-11, 8-11, 14-12, 9-11తో సుతీర్థ ముఖర్జీ (బెంగాల్‌) చేతిలో ఓడింది. పురుషుల సింగిల్స్‌ టైటిల్‌ను హర్మీత్‌ దేశాయ్‌ (గుజరాత్‌) గెలుచుకున్నాడు. ఫైనల్లో అతడు   11-8, 11-4, 11-7, 11-8తో సౌమ్యజిత్‌ ఘోష్‌ (హరియాణా)ను ఓడించాడు. మహిళల, పురుషుల డబుల్స్‌ టైటిళ్లను బెంగాల్‌ క్రీడాకారులు సుతీర్థ-అహిక, జీత్‌-రోనిత్‌ కైవసం చేసుకున్నారు.