వదలని వాన

భారత్‌, కివీస్‌ రెండో వన్డే రద్దు

హామిల్టన్‌: న్యూజిలాండ్‌లో టీమ్‌ఇండియా పర్యటనను వరుణుడు వెంటాడుతూనే ఉన్నాడు. రెండు జట్ల మధ్య టీ20 సిరీస్‌ను సవ్యంగా సాగనివ్వని వాన.. ఇప్పుడు వన్డే సిరీస్‌నూ దెబ్బతీస్తోంది. వాతావరణం అనుకూలించక ఆదివారం రెండో వన్డే రద్దయింది. వాన రెండోసారి ఆటకు అంతరాయం కలిగించే సమయానికి భారత్‌ 12.5 ఓవర్లలో వికెట్‌ నష్టానికి 89 పరుగులు చేసింది. అప్పటికి సూర్యకుమార్‌ యాదవ్‌ (34 నాటౌట్‌; 25 బంతుల్లో 2×4, 3×6) విధ్వంసక బ్యాటింగ్‌తో అలరిస్తున్నాడు. ఓపెనర్‌ శుభ్‌మన్‌ గిల్‌ (45 నాటౌట్‌; 42 బంతుల్లో 4×4, 1×6) చక్కని ఇన్నింగ్స్‌ ఆడాడు. చివరి వన్డే బుధవారం జరుగుతుంది.