అంజుమ్‌ ఖాతాలో రజతం

దిల్లీ: ప్రెసిడెంట్స్‌ కప్‌ షూటింగ్‌ టోర్నీ (కైరో)లో మహిళల 50 మీటర్ల రైఫిల్‌ 3 పొజిషన్స్‌లో అంజుమ్‌ మౌద్గిల్‌ రజతం సాధించింది. స్వర్ణ పతక పోరులో ఈ భారత షూటర్‌ 14-16తో అనా జాన్సెన్‌ (జర్మనీ) చేతిలో ఓడింది. క్వాలిఫికేషన్‌లో జాతీయ రికార్డు (591 పాయింట్లు)తో నాలుగో స్థానంలో నిలిచిన అంజుమ్‌.. ర్యాంకింగ్‌ రౌండ్లో 412.9తో ఫైనల్‌కు అర్హత సాధించింది. ఒలింపిక్‌ ఛాంపియన్‌ నీనా క్రిస్టెన్‌ (స్విట్జర్లాండ్‌, 354.3) అయిదో స్థానంలో నిలవడం గమనార్హం. ఈ టోర్నీలో భారత్‌కు ఇది రెండో పతకం. ఇంతకుముందు రుద్రాంక్ష్ (10 మీ. ఎయిర్‌ రైఫిల్‌) స్వర్ణం నెగ్గాడు.