క్షీణిస్తున్న పీలే ఆరోగ్యం

దిల్లీ: బ్రెజిల్‌ ఫుట్‌బాల్‌ దిగ్గజం పీలే ఆరోగ్యం క్షీణిస్తోంది. కొన్ని రోజులుగా ఆసుపత్రిలో చికిత్స పొందుతున్న అతని ఆరోగ్య పరిస్థితి ఆందోళనకరంగా మారింది. పేగు క్యాన్సర్‌తో బాధపడుతున్న అతను కీమోథెరపీ చికిత్సకు స్పందించడం లేదు. దీంతో అతణ్ని పాలియేటివ్‌ కేర్‌కు తరలించి ఉపశమనం అందించేందుకు ప్రయత్నిస్తున్నారు. కీమోథెరపీ నిలిపివేసి కేవలం నొప్పి, శ్వాస తీసుకోవడంలో ఇబ్బంది తదితర సమస్యలకు చికిత్స అందిస్తున్నట్లు తెలిసింది. తన క్యాన్సర్‌ చికిత్సను మరోసారి పరీక్షించుకోవడం కోసం ఆసుపత్రికి వెళ్లిన పీలేకు ఊపిరితిత్తుల ఇన్‌ఫెక్షన్‌ సోకినట్లు తేలింది. గతేడాది అతని పెద్ద పేగు నుంచి కణతిని తొలగించారు. అప్పటి నుంచి అతను క్రమం తప్పకుండా చికిత్స కోసం ఆసుపత్రికి వెళ్తున్నాడు.