స్వదేశానికి పంత్‌

మిర్పూర్‌: వికెట్‌కీపర్‌ బ్యాటర్‌ రిషబ్‌ పంత్‌ను భారత వన్డే జట్టు నుంచి అర్ధంతరంగా విడుదల చేశారు. ‘‘బీసీసీఐ వైద్య బృందంతో సంప్రదింపుల తర్వాత వన్డే జట్టు నుంచి పంత్‌ను విడుదల చేశారు. టెస్టు సిరీస్‌కు అతడు తిరిగి జట్టుతో చేరతాడు’’ అని బోర్డు ఓ ప్రకటనలో తెలిపింది. పంత్‌ స్థానంలో ఎవరినీ జట్టుకు ఎంపిక చేయలేదు. పంత్‌ను విడుదల చేయడానికి కారణాలను బీసీసీఐ వెల్లడించలేదు. టీ20 ప్రపంచకప్‌ తర్వాత విశ్రాంతి తీసుకోని అన్ని ఫార్మాట్ల ఆటగాడు పంత్‌ మాత్రమే.