ప్రణయ్‌కి మరో ఓటమి

బీడబ్ల్యూఎఫ్‌ ప్రపంచ టూర్‌ ఫైనల్స్‌లో భారత ఆటగాడు హెచ్‌.ఎస్‌.ప్రణయ్‌కి మరో ఓటమి ఎదురైంది. గురువారం గ్రూపు-ఎ రెండో మ్యాచ్‌లో మూడో సీడ్‌ ప్రణయ్‌ 21-23, 21-17, 19-21తో గ్వాంగ్‌ జు (చైనా) చేతిలో పరాజయం చవిచూశాడు.

Published : 09 Dec 2022 02:43 IST

బ్యాంకాక్‌: బీడబ్ల్యూఎఫ్‌ ప్రపంచ టూర్‌ ఫైనల్స్‌లో భారత ఆటగాడు హెచ్‌.ఎస్‌.ప్రణయ్‌కి మరో ఓటమి ఎదురైంది. గురువారం గ్రూపు-ఎ రెండో మ్యాచ్‌లో మూడో సీడ్‌ ప్రణయ్‌ 21-23, 21-17, 19-21తో గ్వాంగ్‌ జు (చైనా) చేతిలో పరాజయం చవిచూశాడు. వరుసగా రెండు మ్యాచ్‌ల్లో ఓడిన ప్రణయ్‌ సెమీఫైనల్‌ రేసు నుంచి దాదాపుగా నిష్క్రమించాడు. ఒక గంటా 24 నిమిషాల పాటు హోరాహోరీగా సాగిన మ్యాచ్‌లో ప్రణయ్‌ చివరి వరకు పోరాడాడు. తొలి గేమ్‌లో ఓడినా.. రెండో గేమ్‌ను గెలుచుకుని మ్యాచ్‌లో ఆశల్ని సజీవంగా ఉంచుకున్నాడు. మూడో గేమ్‌ 15-15 పాయింట్లతో ఉత్కంఠభరితంగా సాగింది. 19-18తో ప్రణయ్‌ ఆధిక్యంలోకి దూసుకెళ్లాడు. అయితే వరుసగా మూడు పాయింట్లు గెలిచిన గ్వాంగ్‌.. ప్రణయ్‌ ఆశలపై నీళ్లు చల్లాడు. శుక్రవారం ప్రపంచ నంబర్‌వన్‌, ఒలింపిక్‌ ఛాంపియన్‌ విక్టర్‌ అక్సెల్సెన్‌తో ప్రణయ్‌ తలపడతాడు.

Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

చదువు