Published : 20 Feb 2022 01:46 IST

MS Dhoni: ధోనీ గురించి ఆసక్తికర విషయం బయటపెట్టిన హర్భజన్‌ సింగ్.. అదేంటంటే?

ఇంటర్నెట్ డెస్క్: టీమ్‌ఇండియా మాజీ సారథి మహేంద్ర సింగ్‌ ధోనికి క్రికెట్‌తో ఇతర ఆటలంటే చాలా ఇష్టం. ముఖ్యంగా బైక్ రేసింగ్‌, ఫుట్ బాల్‌కు ధోనీ ప్రాధాన్యం ఇస్తాడు. భారత జట్టుకు ఆడుతున్న సమయంలో ప్రాక్టీస్‌ సెషన్స్‌లో ఇతర క్రికెటర్లతో కలిసి ఫుట్‌బాల్ ఆడేవాడు. బైక్‌లంటే ధోనీకి తెగ ఇష్టం. ఎన్నో ఖరీదైన బైక్‌లు అతని గ్యారేజీలో ఉన్నాయి. మనకు ధోని గురించి ఇంత వరకే తెలుసు. కానీ, మనకు ‘మిస్టర్‌ కూల్‌’గురించి తెలియని మరో ఆసక్తికరమైన విషయాన్ని తాజాగా భారత మాజీ స్పిన్నర్‌ హర్భజన్ సింగ్ బయట పెట్టాడు. 

ధోనీకి క్రికెట్ కంటే వర్చువల్‌ గేమింగ్స్‌ (Esports) ఆడటానికి ఇష్టపడతాడని భజ్జీ వెల్లడించాడు. ఎలక్ట్రానిక్‌ గేమింగ్స్‌ ఆడటానికి కంప్యూటర్‌ మందు గంటల తరబడి కూర్చునేవాడని  తెలిపాడు. ధోనీ.. క్రికెట్ కంటే 15 రెట్లకన్నా ఎక్కువ సమయాన్ని వర్చువల్‌ గేమింగ్స్‌ కోసం వెచ్చించేవాడని హర్భజన్‌ వెల్లడించాడు.  వర్చువల్‌ గేమ్స్‌ అయిన పబ్ జీతోపాటు ఆన్‌లైన్‌లో ఫుట్ బాల్, ఇతర ఆటలు ఆడేవాడని పేర్కొన్నాడు. 

‘అవును. టీమ్‌ఇండియాలో ప్రతి క్రికెటర్‌ వర్చువల్ గేమ్స్‌ ఆడతారు. నేను కూడా ఆడతాను. భారత మాజీ సారథి ధోనీ క్రికెట్ కంటే 15 రెట్లు ఎక్కువ ఆడి ఉంటాడు. హోటల్ రూంలో అతడు ఎప్పుడూ ఎలక్ట్రానిక్‌ గేమింగ్స్‌ ఆడుతూ కనిపించేవాడు.   ఫుట్‌బాల్, పబ్‌జీ, ఇతర ఆటలు ఆడుతుండేవాడు. మా సహచర ఆటగాళ్లందరం జట్లను ఏర్పాటు చేసుకుని వర్చువల్ గేమ్స్‌ ఆడేవాళ్లం’ అని భజ్జీ వివరించాడు. అంతర్జాతీయ క్రికెట్‌కు రిటైర్మెంట్ ప్రకటించిన ధోనీ.. ఐపీఎల్‌లో మాత్రం కొనసాగుతున్నాడు. చెన్నై సూపర్‌ కింగ్స్‌ సారథిగా ఉన్న అతడిని ఐపీఎల్‌ మెగా వేలానికి ముందు రూ.12 కోట్లతో సీఎస్కే రిటెన్షన్‌ చేసుకున్న సంగతి తెలిసిందే. ధోనీతోపాటు రవీంద్ర జడేజా, మొయిన్‌ అలీ, రుతురాజ్‌ గైక్వాడ్‌లను కూడా రిటెన్షన్‌ చేసుకుంది.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని