Updated : 28 May 2022 23:44 IST

T20 Challenge : ఉత్కంఠ పోరులో హర్మన్‌ జట్టు విజయం.. మూడో సారి టైటిల్‌ కైవసం

పుణె: టీ20 ఛాలెంజ్‌ టైటిల్‌ను హర్మన్‌ ప్రీత్‌ జట్టు తన ఖాతాలో వేసుకుంది. ఉత్కంఠభరితంగా సాగిన ఫైనల్‌లో దీప్తి శర్మ జట్టును నాలుగు పరుగులు తేడాతో ఓడించి హర్మన్‌ జట్టు టైటిల్‌ను కైవసం చేసుకుంది. తొలుత బ్యాటింగ్‌ చేసిన హర్మన్ టీమ్‌ నిర్ణీత 20 ఓవర్లలో ఏడు వికెట్ల నష్టానికి 165 పరుగులు చేసింది. అనంతరం లక్ష్య ఛేదనలో దీప్తి శర్మ జట్టు 161/8 స్కోరుకే పరిమితమైంది. లారా వాల్వార్డ్‌ (65), సిమ్రన్ బహుదుర్‌ (20) మాత్రమే రాణించారు. మిగతా బ్యాటర్లలో షఫాలీ వర్మ 15, యస్తిక భాటియా 13, కిరన్‌ నవ్‌గిరే డకౌట్, నాథకన్‌ ఛతామ్ 6, దీప్తి శర్మ 2, స్నేహ్‌ రాణా 15, కేట్ క్రాస్ 13 పరుగులు చేశారు. హర్మన్‌ టీమ్‌ బౌలర్లలో అలానా కింగ్ 3, సోఫీ 2, డాటిన్ 2, పూజ వస్త్రాకర్‌ ఒక వికెట్ తీశారు. ఈ విజయంతో హర్మన్‌ జట్టు మూడో సారి టైటిల్‌ను సొంతం చేసుకుంది. అంతకుముందు 2018, 2019 సంవత్సరాల్లోనూ టైటిల్‌ను గెలుచుకుంది.

ధాటిగా ఆరంభం.. 
టాస్‌ ఓడి బ్యాటింగ్‌కు దిగిన హర్మన్‌ ప్రీత్‌ కౌర్ జట్టుకు అద్భుత ఆరంభం దక్కింది. ఓపెనర్లు డాటిన్ (62), ప్రియా పునియా (28) తొలి వికెట్‌కు 73 పరుగులు జోడించారు. అనంతరం వచ్చిన  హర్మన్‌ ప్రీత్ (43) కూడా ధాటిగా ఆడింది. అయితే మిగతా బ్యాటర్లు పూజా వస్త్రాకర్ (5), ఎక్లేస్టోన్ (2), సునె లూయిస్ (3), డియోల్ (7) స్వల్ప వ్యవధిలో ఔట్‌ కావడంతో పరుగుల వేగం మందగించింది. దీప్తి శర్మ బౌలర్లలో కేట్ క్రాస్‌ 2, దీప్తి శర్మ 2, సిమ్రన్ 2, ఖాకా ఒక వికెట్ తీశారు. 

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని