Published : 09 Jul 2021 18:11 IST

Viral Video: ఊహించని గిఫ్ట్‌.. చిన్నారి కన్నీటి పర్యంతం 

మనసులు గెలిచిన ఇంగ్లాండ్‌ ఆటగాడు

ఇంటర్నెట్‌డెస్క్‌: ఇంగ్లాండ్‌ ఫుట్‌బాల్‌ ఆటగాడు మాసన్‌ మౌంట్‌ నెటిజెన్ల మనసు కొల్లగొట్టాడు. తాజాగా జరిగిన యూరోకప్‌ 2020 సెమీఫైనల్స్‌లో ఇంగ్లాండ్‌.. డెన్మార్క్‌పై 2-1 తేడాతో విజయం సాధించిన సంగతి తెలిసిందే. దాంతో ఆ జట్టు 55 ఏళ్ల తర్వాత ఓ పెద్ద టోర్నీలో తుదిపోరుకు అర్హత సాధించింది. ఈ క్రమంలోనే ఇంగ్లిష్‌ జట్టు ఆటగాడు మాసన్‌ ఓ చిన్నారి అభిమానికి ఎప్పటికీ గుర్తుండిపోయే బహుమతి ఇచ్చాడు. దాంతో ఆమె సంతోషానికి అవధులు లేకుండాపోయాయి.

డెన్మార్క్‌తో విజయం సాధించాక ఆ జట్టు ఆటగాళ్లు, అభిమానులు సంతోషంగా సంబరాలు చేసుకుంటున్నారు. అయితే, అదే సమయంలో ఆ మ్యాచ్‌ చూడటానికి వచ్చిన ఓ చిన్నారిని చూసిన మాసన్‌ స్టాండ్స్‌లో నిల్చున్న ఆమె వద్దకు వెళ్లి తన జెర్సీని గుర్తుగా ఇచ్చాడు. తాను ఎంతగానో ఇష్టపడే ఫుట్‌బాల్‌ టీమ్‌ ఆటగాడు స్వయంగా జెర్సీని బహుమతిగా ఇవ్వడంతో ఆమె తీవ్ర ఉద్వేగానికి లోనైంది. సంతోషం పట్టలేక తన తండ్రిని హత్తుకొని ఆనందబాష్పాలు కార్చింది. దాంతో అక్కడున్న వారంతా ఆ చిన్నారికి, ఆమె తండ్రికి అభినందనలు తెలిపారు. ఆ వీడియోను ఒక వ్యక్తి తొలుత సామాజిక మాధ్యమాల్లో పంచుకోగా ఇంగ్లాండ్‌ టీమ్‌ దాన్ని తమ ట్విటర్‌లో పోస్టు చేసింది. కాగా, ఆ వీడియో పోస్టు చేసిన 24 గంటల్లోనే 71 లక్షల మందికిపైగా వీక్షించారు.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts