Rani Rampal: విరిగిన స్టిక్తో.. ఒలింపిక్ పతక వేట!
ఆమె పేరుకే రాణి.. కానీ జీవితమంతా వెతలే! ఇంట్లో కరెంటు కూడా లేనంతటి పేదరికం... అర లీటరు పాలు కొనలేని దుస్థితి...
ఆమె పేరుకే రాణి.. కానీ జీవితమంతా వెతలే! ఇంట్లో కరెంటు కూడా లేనంతటి పేదరికం... అర లీటరు పాలు కొనలేని దుస్థితి... పైగా అమ్మాయిలకు ఆటలేంటి? అనే సవాళ్లు ఎదుర్కొంది... అయితే ఏంటట? హాకీనే ఊపిరి చేసుకొని అన్నింటికీ ఎదురొడ్డింది... విరిగిన హాకీ స్టిక్తో సాధన మొదలు పెట్టింది... కష్టాలన్నీ గోల్పోస్ట్లోకి నెట్టేసి దేశం గర్వించే క్రీడాకారిణిగా ఎదిగింది... ఒలింపిక్స్లో తొలిసారి సెమీస్కి చేరిన జట్టును ముందుండి నడిపి చరిత్ర సృష్టించింది... తనే భారత జట్టు కెప్టెన్ రాణి రాంపాల్.. తన ఒలింపిక్ స్వప్నానికి రెండడుగుల దూరంలో ఉంది.
‘ఈ జీవితం నుంచి దూరంగా పారిపోతే బాగుండు..’ రాణి చిన్నప్పుడు చాలాసార్లు అనుకునేదట. ఇంట్లో చిన్న దీపమే దిక్కు. దోమల బెడద భరించలేక రోజూ నిద్రలేని రాత్రులే గడిపేది. ఓసారి భారీ వర్షాలొస్తే ఉన్న చిన్నపాటి గుడిసె కూడా వరదల్లో కొట్టుకుపోయింది. ఇలాంటి కష్టాలతో సావాసం చేసిన అమ్మాయి జాతీయ జట్టుకి ఎంపికవుతుందని, జట్టును ముందుండి నడిపిస్తుందని ఎవరూ కలలో కూడా ఊహించి ఉండరు.
రాణిది హరియాణాలోని షహబాద్ మర్కందా. నాన్న రిక్షా పుల్లర్. అమ్మ చుట్టుపక్కల ఇళ్లలో పనిమనిషిగా చేసేది. వాళ్ల ఇంటిపక్కనే హాకీ అకాడమీ ఉండేది. నిమిషం ఖాళీగా ఉన్నా అక్కడికెళ్లి కళ్లప్పగించి చూస్తుండిపోయేది. మెల్లిమెల్లిగా ఆడాలనే ఆసక్తి మొదలైంది. కానీ ఎలా? పొద్దంతా కష్టపడితే నాన్నకి వచ్చేది 80 రూపాయలు. అవీ ఇంటి ఖర్చులకే సరిపోయేవి. కనీసం హాకీ స్టిక్ కూడా కొనలేని పేదరికం. అందుకే అకాడమీ కోచ్ దగ్గరికెళ్లి నాకూ నేర్పించమని బతిమాలేది. బక్కపల్చగా ఉన్న తన రూపం చూసి సాధ్యం కాదనేవాడాయన. ‘హాకీలో రాణించాలంటే గంటలకొద్దీ ప్రాక్టీస్ చేయాలి. దానికెంతో ఓపిక, బలం కావాలి. నువ్వు చూస్తే పీలగా, బలహీనంగా ఉన్నావు. అందుకే కోచింగ్ ఇవ్వడం కుదరదు’ అనేవారు. అయినా రాణి పట్టు విడిచేది కాదు. ఓసారి విరిగిపోయిన హాకీ స్టిక్ని ఎవరో ఓ మూలన పడేస్తే దాన్నే తీసుకొని ప్రాక్టీసు చేయడం మొదలు పెట్టింది. సల్వార్ కమీజ్తోనే గ్రౌండ్ నలుమూలల అలుపెరుగుకుండా పరుగులు తీసేది. చివరికి ఓరోజు కోచ్ మనసు కరిగింది. శిక్షణ ఇవ్వడానికి ఒప్పుకున్నారు.
అమ్మాయికి ఆటలా..?
సంతోషంగా పరుగెత్తుకెళ్లి అమ్మానాన్నలకు చెప్పింది. రేపట్నుంచి నేను హాకీ కోచింగ్కి వెళ్తున్నానని అంది. కానీ వాళ్లు ససేమిరా అన్నారు. ‘అమ్మాయిలంటే ఇంటి పనే చేయాలి. వీధుల్లోకి వెళ్తే ఆడటం ఏంటి? పైగా ఈ ఆటలో కురచ దుస్తులు (స్కర్ట్) ధరించాలి. అందుకు మేం ఒప్పుకోం’ అన్నారు. బంధువులదీ అదేమాట. ఏడ్చి, బతిమాలి.. చివరికి ఎలాగోలా వాళ్లని ఒప్పించింది. ఇందులో గనక ఫెయిల్ అయితే అమ్మానాన్నలు ఏం చెప్పినా చేస్తాననే షరతుపై.
పాలల్లో నీళ్లు కలిపి...
ఉదయం ఐదుగంటలకే తన శిక్షణ మొదలయ్యేది. కానీ, సమయం చూసుకోవడానికి వాళ్లింట్లో అసలు వాచీ ఉంటేగా! అందుకే రాణి తల్లి ఏ అర్ధరాత్రో నిద్ర లేచేది. ఆకాశంవైపు చూసి చీకటి తెరమరుగవుతుంటే తెల్లవారుతోందని గ్రహించి, అదే సరైన టైం అని నిద్ర లేపేది. అకాడమీలో సాధన చేసే ప్రతి క్రీడాకారిణి తప్పనిసరిగా రోజూ అర లీటరు పాలు తీసుకోవాలి అనే నియమం ఉండేది. కానీ పాలు కొనడానికి డబ్బులు లేకపోయేవి. దాంతో 200 మిల్లీ లీటర్లే కొని అందులో నీళ్లు కలుపుకొని వెళ్లేది. రాణి తపన చూసి కోచ్నే సొంత డబ్బులతో హాకీ కిట్, షూలు కొనిచ్చాడు. అంతేకాదు.. తనకి మంచి ఆహారం అందించాలనే పెద్దమనసుతో వాళ్ల కుటుంబంతోనే ఉండనిచ్చారు. అప్పట్నుంచి ఒక్కరోజు కూడా ప్రాక్టీస్కి డుమ్మా కొట్టలేదు.
రూ.500 పారితోషికం
రాణి ఓ టోర్నమెంట్లో గెలిచినందుకు అందుకున్న తొలి పారితోషికం రూ.500. ఆ డబ్బుని తీసుకెళ్లి నాన్న చేతిలో పెట్టింది. ఆయన ముందు నమ్మలేదు. దాన్ని అపురూపంగా చూశాడు. నా కూతురు సంపాదనపరురాలైందని ఊరంతా గొప్పగా చెప్పుకున్నాడు. అప్పుడే చిన్నారి రాణి తన తండ్రితో సొంత ఇల్లు కూడా కొని ఇస్తానని మాట ఇచ్చింది. చాలా టోర్నమెంట్లలో పాల్గొన్న తర్వాత, రాష్ట్రానికి ప్రాతినిధ్యం వహించాక.. పదిహేనేళ్ల వయసులో జాతీయ జట్టుకి పిలుపు అందుకుంది. అత్యంత పిన్న వయసులో జాతీయ జట్టుకి ఎంపికైన అమ్మాయిగా రికార్డు సృష్టించింది. ఈ విషయాన్ని గొప్పగా భావించాల్సిన బంధువులు ‘దేశమంతా తిరగడం కాదు.. పెళ్లెప్పుడు చేసుకుంటావ్?’ అని నిలదీసేవాళ్లట. నాన్నే అప్పుడు అండగా నిలిచాడు. నా కూతురు ఇష్టమైనన్ని రోజులు ఆడుతుందని వెన్నుతట్టాడు. కుటుంబం ఇచ్చిన అండతో తను మరింత మనసు పెట్టి ఆడసాగింది. ఆరేళ్లకే ఏకంగా దేశ జట్టుకే కెప్టెన్ అయ్యింది. ఓసారి తండ్రి స్నేహితుడు తన మనవరాలిని వెంటబెట్టుకొని రాణి దగ్గరికొచ్చాడు. తనని చూపిస్తూ ‘రాణిలాగే నువ్వూ గొప్ప ప్లేయర్ కావాలి’ అన్నాడట. ఆ క్షణం కలిగిన ఆనందం మాటల్లో వర్ణించలేను అంటుంది రాణి.
అన్నట్టుగానే మూడేళ్ల కిందట కన్నవాళ్లకి ఒక సొంతిల్లు నిర్మించి ఇచ్చింది. అప్పుడు మీడియాతో మాట్లాడుతూ ‘హాకీనే నా సర్వస్వం. నేను స్టిక్ పట్టుకున్నప్పటి నుంచి కొన్ని లక్ష్యాలు నిర్దేశించుకున్నా. అమ్మానాన్నలకు ఇల్లు ఇవ్వాలనే మొదటి లక్ష్యం పూర్తయింది. టోక్యో ఒలింపిక్స్లో దేశానికి గోల్డ్ మెడల్ అందించడం నా చివరి లక్ష్యం, జీవిత కల’ అంది. ఆ కల నెరవేరడానికి ఇంకో రెండు మ్యాచ్ల దూరమే మిగిలి ఉంది. ఈ కలల రాణి స్వప్నం నూటా నలభై కోట్ల భారతీయుల ఆశ కూడా. అది నెరవేరాలని ఆశిద్దాం!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉప్పల్ ఊగిపోయింది
ఐపీఎల్ చరిత్రలో నిలిచిపోయే మ్యాచ్లో సన్రైజర్స్ అద్వితీయమైన బ్యాటింగ్తో అదరగొట్టింది. బ్యాటర్లు మెషీన్ గన్నుల్లా పేలడంతో ఐపీఎల్లో రికార్డు స్కోరుతో సత్తాచాటింది. తొలి మ్యాచ్లో త్రుటిలో ఓడినా.. రెండో పోరులో చిరస్మరణీయ విజయం అందుకుంది. -
ఇది సన్రైజర్సేనా?
సన్రైజర్స్ అంటే.. నత్తనడక బ్యాటింగ్కు మారు పేరు! సన్రైజర్స్ బ్యాటర్లది.. స్ట్రైక్రేట్లో ఎప్పుడూ వెనుకంజే! సన్రైజర్స్ మెరుపులన్నీ బౌలింగ్ వరకే! కానీ ఇదంతా పాత కథ! -
సింధు శుభారంభం
మాడ్రిడ్ స్పెయిన్ మాస్టర్స్ బ్యాడ్మింటన్ టోర్నీలో భారత స్టార్ షట్లర్ పీవీ సింధు శుభారంభం చేసింది. -
సెమీస్లో బోపన్న జోడీ
44 ఏళ్ల వయసులోనూ అద్భుతమైన ఆటతీరుతో అదరగొడుతున్న భారత టెన్నిస్ వెటరన్ డబుల్స్ స్టార్ రోహన్ బోపన్న మరో టైటిల్ దిశగా సాగుతున్నాడు. -
ఎఫ్ఐహెచ్ అథ్లెట్ల కమిటీలో శ్రీజేష్
అంతర్జాతీయ హాకీ సమాఖ్య నూతన ఎఫ్ఐహెచ్ అథ్లెట్ల కమిటీ సహ అధ్యక్షుడిగా భారత హాకీ వెటరన్ గోల్కీపర్ శ్రీజేష్ నియమితుడయ్యాడు. -
‘ఇంపాక్ట్ ప్లేయర్’ వల్లే ధోని అలా..
కెప్టెన్సీ నుంచి తప్పుకొన్నాడు. ఆటగాడిగా కూడా ఇదే చివరి సీజన్ అని భావిస్తున్నారు. ఈ నేపథ్యంలో మహేంద్ర ధోని బ్యాటు పట్టి కొన్ని మెరుపులు మెరిపిస్తే చూడాలన్నది అభిమానుల ఆశ. -
కోచ్కు జకోవిచ్ టాటా
కోచ్ గోరాన్ ఇవానిసెవిచ్తో ఆరేళ్ల బంధానికి జకోవిచ్ వీడ్కోలు పలికాడు. 2018లో ఇవానిసెవిచ్తో కలిసి జకోవిచ్ ప్రయాణం ప్రారంభించాడు. -
సచిన్ గోల్ఫాట
క్రికెట్ దిగ్గజం సచిన్ తెందుల్కర్ గోల్ఫ్ స్టిక్ చేతబట్టాడు. హైదరాబాద్ గచ్చిబౌలిలోని బౌల్డర్హిల్స్ క్లబ్లో బుధవారం గోల్ఫ్ ఆడాడు. -
భారత్-పాక్ సిరీస్.. ఆసీస్ ఆసక్తి
భారత్, పాకిస్థాన్ మధ్య ద్వైపాక్షిక టెస్టు సిరీస్కు ఆతిథ్యమివ్వడానికి ఆస్ట్రేలియా మరోసారి ఆసక్తి వ్యక్తం చేసింది. -
ముంబయిలో హార్దిక్కు మరింతగా..
రోహిత్ శర్మ స్థానంలో ముంబయి ఇండియన్స్ కెప్టెన్గా ఎంపికైన హార్దిక్ పాండ్యకు సామాజిక మాధ్యమాల్లోనే కాదు మైదానాల్లోనూ తీవ్ర వ్యతిరేకత తప్పడం లేదు. -
మళ్లీ బాబర్కే పగ్గాలు!
పాకిస్థాన్ క్రికెట్ జట్టు పగ్గాలు మళ్లీ బాబర్ అజామ్ చేతికి దక్కే సూచనలు కనిపిస్తున్నాయి. అతణ్ని మరోసారి జట్టు కెప్టెన్గా నియమించేందుకు పాకిస్థాన్ క్రికెట్ బోర్డు (పీసీబీ) ఆసక్తితో ఉన్నట్లు తెలుస్తోంది. -
స్టిమాక్ను తప్పించాల్సిందే
ఫుట్బాల్ ప్రపంచకప్ క్వాలిఫయర్స్లో చిన్న జట్టు అఫ్గానిస్థాన్ చేతిలో భారత్ అనూహ్య ఓటమితో కోచ్ స్టిమాక్ను తప్పించాలని మాజీ ఆటగాళ్లు డిమాండ్ చేస్తున్నారు. -
హైదరాబాద్, ముంబయి మ్యాచ్లో నమోదైన రికార్డులివీ..
ఉప్పల్ వేదికగా ముంబయితో జరిగిన మ్యాచ్లో హైదరాబాద్ 31 పరుగుల తేడాతో విజయం సాధించింది. ఈ మ్యాచ్లో పలు రికార్డులు నమోదు అయ్యాయి.
తాజా వార్తలు (Latest News)
-
న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
-
నగదుంటేనే రైడ్ రైట్
-
నాలుగు చిలుకలకు రూ.444 టికెట్!
-
మహబూబ్నగర్ స్థానిక సంస్థల ఎమ్మెల్సీ ఉప ఎన్నిక నేడు
-
హైదరాబాద్, ముంబయి మ్యాచ్లో నమోదైన రికార్డులివీ..
-
రాశీఖన్నా ‘గోల్డెన్’ మెరుపులు.. అలా చూడొద్దన్న కేతిక.. టీమ్తో కృతి సనన్