Team India U19: చేజారిందనుకున్న క్యాచ్‌.. ఆఖరి నిమిషంలో ఒంటి చేత్తో..

ఐసీసీ అండర్‌-19 ప్రపంచప్‌ తుదిపోరు రసవత్తరంగా ముగిసింది. యువ ఇంగ్లాండ్‌ జట్టుపై భారత కుర్రాళ్లు అదరగొట్టారు. తొలుత బంతితో కట్టడి చేసిన టీమ్‌ఇండియా...

Published : 06 Feb 2022 08:03 IST

(Photo: Twitter Video Screenshot)

ఇంటర్నెట్‌డెస్క్‌: ఐసీసీ అండర్‌-19 ప్రపంచప్‌ తుదిపోరు రసవత్తరంగా ముగిసింది. యువ ఇంగ్లాండ్‌ జట్టుపై భారత కుర్రాళ్లు అదరగొట్టారు. తొలుత బంతితో కట్టడి చేసిన టీమ్‌ఇండియా తర్వాత బ్యాటింగ్‌లో తడబడినా చివరికి మ్యాచ్‌ గెలుపొందింది. దీంతో ఐదోసారి మినీ వరల్డ్‌ కప్‌ను దక్కించుకుంది. అయితే, ఈ మ్యాచ్‌లో ఇంగ్లాండ్‌ మిడిల్‌ ఆర్డర్‌ బ్యాట్స్‌మన్‌ జేమ్స్‌ ర్యూ (95; 116 బంతుల్లో 12×4) గొప్ప పోరాట పటిమ ప్రదర్శించాడు. 61 పరుగులకే ఆరు వికెట్లు కోల్పోయి పీకల్లోతు కష్టాల్లో పడిన జట్టును ఒంటి చేత్తో ముందుకు నడిపించాడు. కనీసం వంద పరుగులైనా చేస్తుందా అనుకున్న ఇంగ్లాండ్‌కు పోరాడే స్కోర్‌ అందించాడు.

కాగా, టీమ్‌ఇండియా ఒక విధంగా ఈ మ్యాచ్‌లో గెలవడానికి అతడి వికెట్టే కీలకంగా మారింది. జేమ్స్‌ సేల్స్‌ (34; 65 బంతుల్లో 2x4)తో కలిసి జేమ్స్‌ ర్యూ ఎనిమిదో వికెట్‌కు 93 పరుగులు జోడించగా.. శతకానికి చేరువైన వేళ రవికుమార్‌ బౌలింగ్‌లో ఔటయ్యాడు. డీప్‌ స్క్వేర్‌ దిశగా భారీ షాట్‌కు యత్నించి కౌశల్‌ తాంబే చేతికి చిక్కాడు. అయితే, ఈ క్యాచ్‌ అందుకునే క్రమంలో కౌశల్‌ తొలుత బంతిని అందుకున్నట్లే అనిపించినా జారవిడిచాడు. దీంతో క్యాచ్‌ మిస్‌ అయ్యింది అనుకుంటుండగానే మళ్లీ ముందుకు డైవ్‌ చేసి నేల మీద పడే బంతిని ఒంటి చేత్తో అందుకున్నాడు. దీంతో ఇంగ్లాండ్‌ బ్యాట్స్‌మన్‌ వెనుదిరగక తప్పలేదు. అతడు పెవిలియన్‌ చేరాక ఆ జట్టు మరో ఐదు పరుగులకే మిగతా రెండు వికెట్లు కోల్పోయింది. ఛేదనలో భారత్‌ తడబడినా మ్యాచ్‌ గెలిచింది. కాగా, జేమ్స్‌ ర్యూ క్యాచ్‌ను ఐసీసీ ఇన్‌స్టాగ్రామ్‌లో పంచుకుంది. ఆ అద్భుత క్యాచ్‌ను మీరూ చూసి ఆస్వాదించండి.


Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని