గబ్బా టెస్టు: టీ విరామానికి భారత్‌ 183/3

బ్రిస్బేన్‌: ఆస్ట్రేలియాతో జరుగుతున్న నాలుగో టెస్టు రెండో ఇన్నింగ్స్‌లో టీమ్‌ఇండియా రెండో సెషన్‌ పూర్తయ్యేసరికి 63 ఓవర్లలో 183/3తో నిలిచింది. క్రీజులో ఛెతేశ్వర్‌ పుజారా(43), రిషభ్‌పంత్‌(10) ఉన్నారు. అంతకుముందు కెప్టెన్‌ అజింక్య రహానె(24) ధాటిగా ఆడే క్రమంలో కమిన్స్‌ బౌలింగ్‌లో ఔటయ్యాడు. అప్పటికి భారత్‌ స్కోర్‌ 167/3గా నమోదైంది. ఆపై పుజారా, పంత్‌ నిలకడగా ఆడుతున్నారు. ఈ క్రమంలోనే పంత్‌ టెస్టుల్లో వెయ్యి పరుగులు పూర్తి చేశాడు. భారత్‌ తరఫున అతి తక్కువ 27 ఇన్నింగ్స్‌లో ఈ ఘనత సాధించిన ఆటగాడిగా రికార్డు నెలకొల్పాడు. ధోనీ 32 ఇన్నింగ్స్‌లతో రెండో స్థానంలో నిలిచాడు. మరోవైపు భారత్‌ విజయానికి చివరి సెషన్‌లో 145 పరుగులు కావాలి. 
ఇవీ చదవండి..
స్మిత్‌ చూస్తుండగానే రోహిత్‌ షాడో బ్యాటింగ్‌
సిరాజ్‌.. ఇక కుర్రాడు కాదు