దాదా విధ్వంసం.. రిమోట్ కంట్రోల్ కెప్టెన్సీ వివాదం
ఒకవైపు కోల్కతా రాకుమారుడి విధ్వంసం.. మరోవైపు అతిగొప్ప ఆల్రౌండర్ క్లాస్ బ్యాటింగ్.. ఇంకోవైపు రిమోట్....
IND vs SA పోరులో ‘ఇయర్ పీస్’ వ్యవహారం
ఒకవైపు కోల్కతా రాకుమారుడి విధ్వంసం.. మరోవైపు అతిగొప్ప ఆల్రౌండర్ క్లాస్ బ్యాటింగ్.. ఇంకోవైపు రిమోట్ కంట్రోల్ కెప్టెన్సీ వివాదం.. ఆఖరి వరకు విజయం కోసం పోరాడిన రెండు జట్లు.. ఒక్క ఓవర్లోనే ఫలితం మార్చేసిన బ్యాటర్లు.. 1999, మే 15న వన్డే ప్రపంచకప్లో భారత్, దక్షిణాఫ్రికా పోరు గురించి ఎంత చెప్పినా తక్కువే!
‘ప్రిన్స్’ విధ్వంసం
బ్రైటాన్ వేదికగా జరిగిన ఈ మ్యాచులో మొదట టీమ్ఇండియానే బ్యాటింగ్ చేసింది. 5 వికెట్ల నష్టానికి 253 పరుగులు సాధించింది. ఐదు అద్భుతమైన బౌండరీలతో మంచి టచ్లో కనిపించిన సచిన్ (28; 46 బంతుల్లో 5×4)ను క్లూసెనర్ (3/66) జట్టు స్కోరు 67 వద్ద పెవిలియన్ పంపించాడు. మరో ఎండ్లో మాత్రం కోల్కతా ప్రిన్స్ సౌరవ్ గంగూలీ (97; 142 బంతుల్లో 11×4, 1×6) రాహుల్ ద్రవిడ్ (54; 75 బంతుల్లో 5×4)తో కలిసి విధ్వంసం సృష్టించాడు. ససెక్స్కు ఇదే మైదానంలో ఆడిన అనుభవం దాదా సొంతం. పైగా అతడికి వందో మ్యాచ్ కూడా. దాంతో అతడి స్ట్రోక్ ప్లే అదిరింది. ఆడిన డ్రైవ్స్లో అందం ఉట్టిపడింది. బంతులు మైదానాన్ని ముద్దాడుతూ బౌండరీకి వెళ్లాయి. నిక్కీ బోజ్ బౌలింగ్ను ఉతికారేశాడు. అయితే అలన్ డొనాల్డ్ కట్టుదిట్టమైన బంతులతో విరుచుకు పడుతున్నాడు. 90 పరుగులు దాటాక ఆందోళన గురైన గంగూలీ.. జాంటీ అద్భుత త్రోకు రనౌట్ అయ్యాడు. ఆ తర్వాత జట్టులో మరెవ్వరూ ఎక్కువగా ఆడలేదు.
కలిస్ ‘క్లాస్’
దక్షిణాఫ్రికా ఛేదన అత్యంత ఉత్కంఠకరంగా సాగింది. టీమ్ఇండియా పేసర్ జవగళ్ శ్రీనాథ్ వేగంలో డొనాల్డ్ను తలపించాడు. ఓపెనర్లు గ్యారీ కిర్స్టన్ (3), హర్షలె గిబ్స్ (7)ను పెవిలియన్ పంపించేశాడు. కానీ మేటి ఆల్రౌండర్ జాక్వెస్ కలిస్ (96; 128 బంతుల్లో 7×4) క్లాస్తో కదం తొక్కాడు. మార్క్ బౌచర్(34), కలినన్ (19), హన్సీ క్రో (27)తో కలిసి మంచి భాగస్వామ్యాలు నెలకొల్పాడు. టాప్ ఆర్డర్ పడ్డా మిడిలార్డర్ నిలవడంతో గంగూలీ, సచిన్, రాబిన్ సింగ్ బంతులు వేశారు. కలిస్ సింగిల్స్, డబుల్స్తో పరుగులు చేస్తూనే ఉన్నాడు. అగార్కర్ బౌలింగ్తోనూ పనవ్వడం లేదు.
ఆ ఓవర్లో ‘తుపాన్’
శ్రీనాథ్ విసిరిన 46 ఓవర్లో టీమ్ఇండియాకు బ్రేక్ వచ్చింది. నాలుగో బంతికి పరుగు తీసే క్రమంలో ప్రసాద్ విసిరిన త్రోకు కలిస్ రనౌట్ అయ్యాడు. 45.4 ఓవర్లకు సఫారీలు 227/6తో నిలిచారు. తర్వాత బంతికి జాంటీ రోడ్స్ (39*; 31 బంతుల్లో 5×4) సింగిల్ తీయగా ఆఖరి బంతిని క్లూసెనర్ (12*; 4 బంతుల్లో 3×4) బౌండరీకి పంపించాడు. స్కోరు 232/6కు చేరింది. సమీకరణం 24 బంతుల్లో 22 పరుగులుగా మారింది. బంతిని అగార్కర్కు ఇచ్చారు. కానీ రోడ్స్, క్లూసెనర్ 4 బౌండరీలతో తుపాను సృష్టించారు. 17 పరుగులు సాధించి స్కోరు బోర్డును 249/6కు తీసుకెళ్లారు. ఆ తర్వాత దక్షిణాఫ్రికా విజయానికి మరెంతో సేపు పట్టలేదు.
రిమోట్ కంట్రోల్ ‘కెప్టెన్సీ’
ఈ మ్యాచులో క్రికెట్ ప్రపంచాన్ని నివ్వెరపరిచిన విషయం మరొకటుంది. అదే ‘రిమోట్ కంట్రోల్ కెప్టెన్సీ’. సాధారణంగా వ్యూహాలను మ్యాచ్కు ముందే రచించుకొని జట్టంతా మైదానంలోకి అడుగుపెడుతుంది. మార్పులేమైనా ఉంటే డ్రింక్స్ సమయంలో అదనపు ఆటగాళ్లతో సందేశాలు పంపిస్తుంటారు. కానీ ఇక్కడ దక్షిణాఫ్రికా అధునాతన సాంకేతికతను వాడి విస్మయపరిచింది. కెప్టెన్ హాన్సీ క్రో, బౌలర్ అలన్ డొనాల్డ్ తమ చెవుల్లో ఇయర్ పీస్లు ధరించి మైదానంలో ఆడారు. వారికి కోచ్ బాబ్ వూమర్ సందర్భానికి తగినట్టు ఆదేశాలు ఇచ్చాడు. దీనిని మ్యాచ్ రిఫరీ తలాత్ అలీ గమనించి డ్రింక్స్ బ్రేక్ సమయంలో వారిపై కోప్పడ్డాడు. ఆ తర్వాత సలహాలు అందించే అలాంటి సాంకేతిక వస్తువులు వాడకుండా ఐసీసీ నిబంధన తీసుకొచ్చింది.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
భాగ్యనగర వాసులకు మళ్లీ ఐపీఎల్ సందడి వచ్చేసింది. గురువారం బెంగళూరుతో హైదరాబాద్ (Hyderabad Vs Bengaluru) తలపడనుంది. -
ఐపీఎల్లో భారీ స్కోర్లు అందుకే..: శుభ్మన్ గిల్
Shubman Gill: ఈ ఐపీఎల్ సీజన్లో భారీ స్కోర్లు నమోదవుతున్న విషయం తెలిసిందే. దీనికి ఓ కారణం ఉందని శుభ్మన్ గిల్ తెలిపాడు. -
తాగి చెస్ ఆడా.. ప్యాంట్లో మూత్రం పోసుకున్నా..
చెస్ మేటి మాగ్నస్ కార్ల్సన్ ఇటీవల ఓ కొత్త సవాలును స్వీకరించాడు. సత్యశోధన పరీక్ష (లై డిటెక్టర్ టెస్ట్)లో తన చెస్ కెరీర్, వ్యక్తిగత జీవితంపై అనేక ప్రశ్నలకు సమాధానమిచ్చాడు. -
మోహిత్.. చెత్త రికార్డు
గుజరాత్ టైటాన్స్ పేసర్ మోహిత్ శర్మ చెత్త రికార్డును ఖాతాలో వేసుకున్నాడు. ఓ ఐపీఎల్ మ్యాచ్లో అత్యధిక పరుగులు ఇచ్చిన బౌలర్గా అతను రికార్డులకెక్కాడు. -
దిల్లీ గట్టెక్కింది
ఐపీఎల్-17లో తడబడుతూ సాగుతున్న దిల్లీ క్యాపిటల్స్.. ప్లేఆఫ్స్ అవకాశాలు సన్నగిల్లుతున్న సమయంలో ఓ కీలక విజయం సాధించింది. బుధవారం ఆ జట్టు గుజరాత్ టైటాన్స్ను 4 పరుగుల స్వల్ప తేడాతో ఓడించింది. -
పొట్టి కప్పులో ఎవరు?
వెస్టిండీస్, అమెరికా ఉమ్మడిగా ఆతిథ్యమిస్తున్న టీ20 ప్రపంచకప్ కోసం 15 మంది జట్టుతో పాటు అయిదుగురు రిజర్వ్ ఆటగాళ్లనూ ప్రకటించేందుకు బీసీసీఐ సెలక్షన్ కమిటీ కసరత్తులు చేస్తోంది. -
300 కొట్టేస్తారా?
ఈ సీజన్లో సన్రైజర్స్ హైదరాబాద్ నమోదు చేసిన రికార్డులివీ. ఐపీఎల్ చరిత్రలోనే అత్యధిక స్కోర్లతో రికార్డులు తిరగరాస్తున్న సన్రైజర్స్ పొట్టి లీగ్లో ప్రకంపనలు సృష్టిస్తోంది. -
ఫైనల్లో జ్యోతి జట్టు
ఆర్చరీ ప్రపంచకప్లో భారత ఆర్చర్ల దూకుడు కొనసాగుతోంది. విజయవాడ అమ్మాయి జ్యోతి సురేఖ జట్టు కాంపౌడ్ మహిళల విభాగంలో ఫైనల్లో అడుగుపెట్టింది. -
దీపాన్షుకు జావెలిన్ స్వర్ణం
ఆసియా అండర్-20 అథ్లెటిక్స్ ఛాంపియన్షిప్స్ తొలి రోజు, బుధవారం భారత అథ్లెట్లు సత్తా చాటారు. పురుషుల జావెలిన్ త్రోలో దీపాన్షు శర్మ స్వర్ణం గెలుచుకున్నాడు. -
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
T20 Worldcup 2024 - BCCI: వచ్చే టీ20 ప్రపంచకప్ కోసం ఏ 15 మందిని ఎంపిక చేస్తే బాగుంటుంది. -
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
ఐపీఎల్లో ఫినిషర్గా అదరగొడుతున్న ఎంఎస్ ధోనీ (MS Dhoni)ని టీ20 వరల్డ్కప్నకు ఎంపిక చేయాలనే ఆలోచనను పలువురు మాజీలు కోరుతున్నారు.
తాజా వార్తలు (Latest News)
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న
-
నష్టాల్లో స్టాక్ మార్కెట్ సూచీలు.. 22,350 దిగువకు నిఫ్టీ