IND vs SA: వర్షం కారణంగా భారత్‌ - దక్షిణాఫ్రికా టెస్టుకు అంతరాయం.!

ఇంటర్నెట్ డెస్క్‌‌: భారత్‌, దక్షిణాఫ్రికా మధ్య జరుగుతున్న తొలి టెస్ట్ మ్యాచ్‌కు అంతరాయం ఏర్పడింది. సెంచూరియన్‌లో వర్షం కొనసాగుతుండటంతో రెండో రోజు ఆట మరింత ఆలస్యంగా ప్రారంభం కానుంది. కాసేపటి క్రితం మైదానాన్ని పరిశీలించిన అంపైర్లు వర్షం ఇంకా తగ్గక పోవడంతో.. నేరుగా లంచ్‌ బ్రేక్‌ తర్వాత మ్యాచ్‌ ప్రారంభించాలని నిర్ణయించారు. లంచ్‌ తర్వాత అంపైర్లు మరోసారి మైదానాన్ని పరిశీలించి ఆటపై నిర్ణయం తీసుకుంటారు. తొలి రోజు ఆటలో వైస్‌ కెప్టెన్‌ కేఎల్ రాహుల్‌ (122*; 248 బంతుల్లో 17×4, 1×6) అజేయ సెంచరీ సాధించిన విషయం తెలిసిందే.  మరో ఎండ్‌లో అజింక్య రహానె (40) ఉన్నాడు. దీంతో తొలిరోజు ఆట ముగిసే సమయానికి భారత్‌.. తొలి ఇన్నింగ్స్‌లో 3 వికెట్ల నష్టానికి 272 పరుగులు చేసింది.