చివరి రెండు టెస్టులకు టీమిండియా ఎంపిక

ఇంటర్నెట్‌డెస్క్‌: అహ్మదాబాద్‌ వేదికగా ఇంగ్లాండ్‌తో జరగనున్న చివరి రెండు టెస్టులకు 17 మంది ఆటగాళ్లతో భారత జట్టును బీసీసీఐ ప్రకటించింది. శార్దూల్‌ ఠాకూర్ మినహా తొలి రెండు టెస్టులకు ఎంపిక చేసిన ఆటగాళ్లందరూ ఆఖరి రెండు టెస్టులకు ఎంపికయ్యారు. శార్దూల్‌ను విజయ్ హజారే ట్రోఫీలో ఆడేందుకు అనుమతించారు. అయితే స్టాండ్‌బై ప్లేయర్‌గా జట్టుతో ఉండి తొలి టెస్టులో చోటు సంపాదించుకున్న స్పిన్నర్‌ నదీమ్‌ను ఎంపికచేయలేదు.

మరోవైపు గాయం నుంచి కోలుకున్న ఉమేశ్‌ యాదవ్‌ గురించి మూడో టెస్టుకు ముందుగా నిర్ణయం తీసుకోనున్నారు. మరో పేసర్ మహ్మద్ షమిని జట్టులోకి తీసుకోలేదు. గాయం నుంచి అతడు కోలుకున్నప్పటికీ టెస్టులకు పూర్తిఫిట్‌నెస్‌ సాధించకపోవడమే దానికి కారణమని తెలుస్తోంది. ఫిబ్రవరి 24 నుంచి మొతెరా(అహ్మదాబాద్‌) వేదికగా మూడో టెస్టు ప్రారంభం కానుంది.

జట్టు వివరాలు

విరాట్ కోహ్లీ (కెప్టెన్‌), రోహిత్ శర్మ, మయాంక్ అగర్వాల్‌, శుభ్‌మన్‌ గిల్‌, చెతేశ్వర్‌ పుజారా, అజింక్య రహానె (వైస్‌ కెప్టెన్‌), కేఎల్ రాహుల్, హార్దిక్ పాండ్య, రిషభ్‌ పంత్‌, వృద్ధిమాన్ సాహా, రవిచంద్రన్ అశ్విన్, కుల్‌దీప్‌ యాదవ్‌, అక్షర్‌ పటేల్‌, వాషింగ్టన్‌ సుందర్‌, ఇషాంత్ శర్మ, జస్ప్రీత్ బుమ్రా, మహ్మద్‌ సిరాజ్‌

స్టాండ్‌బై ప్లేయర్లు: కేఎస్ భరత్, రాహుల్ చాహర్‌