Updated : 27/11/2021 10:12 IST

IND vs NZ: లేథమ్‌ సెంచరీ చేస్తే.. టీమ్‌ఇండియా డీఆర్‌ఎస్‌ రద్దు చేయమంటుందేమో! : జిమ్మీ నీషమ్‌

ఇంటర్నెట్ డెస్క్‌: కాన్పూర్‌ వేదికగా జరుగుతోన్న మొదటి టెస్టు రెండో రోజు కివీస్‌ ఓపెనర్ టామ్‌ లేథమ్ (50: 165 బంతుల్లో 4x4) మూడు సార్లు డీఆర్ఎస్ ఉపయోగించుకుని బతికిపోయిన విషయం తెలిసిందే. ఈ విషయంపై కివీస్‌ బౌలర్‌ జిమ్మీ నీషమ్‌ సరదాగా స్పందించాడు. ‘ఈ టెస్టులో లేథమ్‌ శతకం నమోదు చేస్తే.. టీమ్‌ ఇండియా డీఆర్ఎస్‌ విధానాన్ని రద్దు చేయమంటుందేమో.!’ అని నీషమ్‌ ట్వీట్ చేశాడు. 

రెండో రోజు టీమ్‌ఇండియా ఇన్నింగ్స్‌ త్వరగానే ముగిసింది. 258/4 ఓవర్‌ నైట్ స్కోరుతో ఆటను ప్రారంభించిన భారత్‌ 345 పరుగులకు ఆలౌటైంది. అనంతరం బ్యాటింగ్‌కు దిగిన కివీస్‌ ఆట ముగిసే సరికి 129/0 స్కోరుతో నిలిచింది. ఇన్నింగ్స్‌ ఆరంభంలోనే ఇషాంత్‌ శర్మ వేసిన మూడో ఓవర్లోనే లేథమ్‌ను అంపైర్‌ ఎల్బీడబ్ల్యూగా ప్రకటించాడు. అయితే, డీఆర్‌ఎస్‌లో బంతి ఇన్‌సైడ్‌ ఎడ్జ్‌ తీసుకుందని తేలింది. తర్వాత 15వ ఓవర్లో జడేజా బౌలింగ్‌లోనూ లేథమ్‌ మరోసారి వికెట్ల ముందు దొరికిపోయాడు. మళ్లీ రివ్యూకి వెళ్లి బతికిపోయాడు. 56వ ఓవర్లో రవిచంద్రన్‌ అశ్విన్‌ బంతికి లేథమ్‌ క్యాచ్‌ ఔట్‌ అయినట్లు భావించి అంపైర్‌ వేలెత్తాడు. సమీక్షలో బంతి ప్యాడ్‌ను తాకి వికెట్‌ కీపర్‌ చేతుల్లో పడిందని తేలింది. దీంతో మూడోసారి కూడా లేథమ్‌ బతికిపోయాడు. ఇంగ్లాండ్ ఆల్ రౌండర్‌ మొయిన్ అలీ తర్వాత సమీక్షను ఉపయోగించుకుని మూడు సార్లు బతికిపోయిన రెండో ఆటగాడిగా లేథమ్‌ రికార్డు సృష్టించాడు.

Read latest Sports News and Telugu News


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని