Indw vs Ausw:రాణించిన దీప్తి శర్మ, రీచా ఘోష్‌.. ఆసీస్‌ లక్ష్యం ఎంతంటే?

ముంబయి: మహిళల టీ20 ప్రపంచకప్ సన్నాహకాల్లో భాగంగా భారత్, ఆస్ట్రేలియా మధ్య ఐదు మ్యాచ్‌ల టీ20 సిరీస్‌ ప్రారంభమైంది. మొదటి టీ20లో తొలుత టాస్‌ ఓడి బ్యాటింగ్‌కు దిగిన టీమ్‌ఇండియా నిర్ణీత 20 ఓవర్లలో 5 వికెట్ల నష్టానికి 172 పరుగులు చేసింది. దీప్తి శర్మ (36; 15 బంతుల్లో 8 ఫోర్లు), రీచా ఘోష్‌ (36; 20 బంతుల్లో 5 ఫోర్లు, 2 సిక్స్‌లు) రాణించారు. ఓపెనర్‌ షెఫాలీ వర్మ (21; 10 బంతుల్లో 2 ఫోర్లు, 2 సిక్స్‌లు) క్రీజులో ఉన్నంతసేపు దూకుడుగా ఆడగా..  స్మృతి మంధాన (28; 22 బంతుల్లో 5 ఫోర్లు) ఫర్వాలేదనిపించింది. జెమీమా రోడ్రిగ్స్‌ (0) నిరాశపర్చగా.. హర్మన్‌ ప్రీత్‌ కౌర్‌ (21), దేవికా వైద్య (24) పరుగులు చేశారు. ఆస్ట్రేలియా బౌలర్లలో ఎల్లీస్ పెర్రీ రెండు వికెట్లు పడగొట్టగా.. కిమ్ గార్త్, ఆష్లీ గార్డనర్,అన్నాబెల్ సదర్లాండ్ తలో వికెట్ తీశారు.