INDvsENG‌: 183 పరుగులకు ఆలౌటైన ఇంగ్లాండ్‌

ఇంటర్నెట్ డెస్క్‌: టీమ్‌ఇండియాతో జరుగుతున్న తొలి టెస్టులో మొదటి ఇన్నింగ్స్‌లో ఇంగ్లాండ్‌ 183 పరుగులకు ఆలౌటైంది. కెప్టెన్‌ జో రూట్‌ (64) ఒక్కడే రాణించాడు. మిగతా బ్యాట్స్‌మెన్‌ పెద్దగా పరుగులు చేయలేకపోయారు. తొలి సెషన్‌లో రెండు వికెట్లు కోల్పోయి 61 పరుగులు చేసిన ఇంగ్లాండ్.. రెండో సెషన్‌లో రెండు వికెట్లు కోల్పోయి 77 పరుగులు చేసింది. టీ విరామం అనంతరం ఇంగ్లాండ్ వరుసగా వికెట్లు కోల్పోయింది. చివర్లో సామ్ కరన్‌ (27) కాసేపు బ్యాట్ ఝళిపించాడు. భారత బౌలర్లలో బుమ్రా నాలుగు, షమీ మూడు, శార్దూల్‌ ఠాకూర్‌ రెండు, సిరాజ్‌ ఒక వికెట్ పడగొట్టారు.