INDW vs PAKW: టీమ్‌ఇండియాకు షాక్‌.. స్వల్ప వ్యవధిలో నాలుగు వికెట్లు

బే ఓవల్‌: మహిళల వన్డే ప్రపంచకప్‌లో పాకిస్థాన్‌తో జరుగుతున్న తొలి మ్యాచ్‌లో టీమ్‌ఇండియాకు భారీ షాక్‌ తగిలింది. స్వల్ప వ్యవధిలో నాలుగు వికెట్లు కోల్పోయి మిథాలిసేన కష్టాల్లో పడింది. జట్టు స్కోర్‌ 96 పరుగుల వద్ద దీప్తి శర్మ (40; 57 బంతుల్లో 2x4, 1x6) రెండో వికెట్‌గా వెనుదిరగ్గా మరో రెండు పరుగులకే ఓపెనర్‌ స్మృతి మంధాన (52; 75 బంతుల్లో 3x4,1x6) మూడో వికెట్‌గా పెవిలియన్‌ బాట పట్టింది. కాసేపటికే హర్మన్‌ప్రీత్‌ కౌర్‌ (5), రీచా ఘోష్‌(1) సైతం వెనుదిరిగారు.  దీంతో భారత్‌ 16 పరుగుల స్వల్ప వ్యవధిలో నాలుగు కీలక వికెట్లు కోల్పోయింది. ఈ క్రమంలోనే టీమ్‌ఇండియా 31 ఓవర్లకు 112/5 స్కోర్‌తో నిలిచింది. క్రీజులో కెప్టెన్‌ మిథాలీ రాజ్‌ (8), స్నేహరాణా ఉన్నారు.