IRE vs IND : దంచికొట్టిన టెక్టార్‌.. టీమ్ఇండియా ముందు భారీ లక్ష్యం

డబ్లిన్‌: ఐర్లాండ్, భారత్ మధ్య జరుగుతున్న తొలి టీ20 మ్యాచ్‌లో ఐర్లాండ్ బ్యాటింగ్‌ ముగిసింది. వర్షం కారణంగా ఒక్కో ఇన్నింగ్స్‌ని 12 ఓవర్లకు కుదించారు. 12 ఓవర్లలో ఐర్లాండ్ నాలుగు వికెట్ల నష్టానికి 108 పరుగులు చేసింది. టెక్టార్‌ (64; 33 బంతుల్లో 6 ఫోర్లు, 3  సిక్స్‌లు) రాణించగా.. టకర్ (18) ఫర్వాలేదనిపించాడు. తొలుత భారత బౌలర్లు కట్టుదిట్టంగా బంతులేసి వరుసగా వికెట్లు తీయడంతో 4 ఓవర్లకు ఐర్లాండ్ 22/3 స్కోరుతో కష్టాల్లో పడింది. బాల్‌బిర్నీ (0), స్టిర్లింగ్ (4)‌, డెలానీ (8) తక్కువ స్కోరుకే పెవిలియన్ చేరారు. తర్వాత టెక్టార్, టకర్‌ ఇన్నింగ్స్‌ని చక్కదిద్దారు. ఉమ్రాన్‌ మాలిక్‌ వేసిన ఆరో ఓవర్‌లో టెక్టార్ ఓ ఫోర్‌, సిక్సర్‌ కొట్టగా.. హార్దిక్ పాండ్య వేసిన ఎనిమిదో ఓవర్‌లో టకర్ వరుసగా రెండు సిక్సర్లు బాదాడు. భారత బౌలర్లలో భువనేశ్వర్‌ కుమార్‌, అవేష్‌ ఖాన్‌, హార్దిక్ పాండ్య, అక్షర్‌ పటేల్ తలో వికెట్ పడగొట్టారు.