Published : 20 Apr 2022 12:36 IST

KL Rahul: కోహ్లీ రికార్డు బద్దలు.. టీ20ల్లో కేఎల్‌ రాహుల్‌ కొత్త రికార్డు

ఇంటర్నెట్‌డెస్క్‌: లఖ్‌నవూ కెప్టెన్‌ కేఎల్‌ రాహుల్‌ టీ20 క్రికెట్‌లో గొప్ప రికార్డు నమోదు చేశాడు. భారత్‌ తరఫున అత్యంత వేగంగా పొట్టి ఫార్మాట్‌లో ఆరు వేల పరుగులు పూర్తి చేసిన బ్యాట్స్‌మన్‌గా నిలిచాడు. ఈ క్రమంలోనే బెంగళూరు మాజీ సారథి విరాట్‌ కోహ్లీ రికార్డును బద్దలుకొట్టాడు. కోహ్లీ 184 ఇన్నింగ్స్‌ల్లో ఈ ఘనత సాధించగా.. రాహుల్‌ 166 ఇన్నింగ్స్‌ల్లోనే సాధించాడు. అలాగే ప్రపంచ క్రికెట్‌లో ఈ ఘనత సాధించిన మూడో బ్యాట్స్‌మన్‌గా నిలిచాడు. ఈ జాబితాలో క్రిస్‌గేల్‌ తొలి స్థానంలో ఉండగా బాబర్‌ అజామ్‌ రెండో స్థానంలో కొనసాగుతున్నాడు.

గతరాత్రి లఖ్‌నవూ టీమ్‌ బెంగళూరుతో తలపడిన సందర్భంగా ఛేదనలో రాహుల్‌ (30; 24 బంతుల్లో 3x4, 1x6) ధాటిగా ఆడాడు. అయితే, హర్షల్‌ పటేల్‌ వేసిన 8వ ఓవర్‌ చివరి బంతికి ఔటయ్యాడు. ఈ క్రమంలోనే టీ20 క్రికెట్‌లో అతడు ఈ ఘనత సాధించాడు. ఇక టీమ్‌ఇండియా తరఫున శిఖర్‌ ధావన్‌ (214), సురేశ్‌ రైనా (217), రోహిత్‌ శర్మ (228) ఇన్నింగ్స్‌లలో 6 వేల పరుగులు పూర్తి చేశారు. కాగా, ఈ మ్యాచ్‌లో బెంగళూరు నిర్దేశించిన 182 పరుగుల లక్ష్యాన్ని ఛేదించే క్రమంలో లఖ్‌నవూ 163/8 స్కోరుకే పరిమితమైంది. దీంతో ఆ జట్టు 18 పరుగుల తేడాతో ఓటమిపాలైంది. ఈ విజయంతో బెంగళూరు పాయింట్ల పట్టికలో రెండో స్థానానికి చేరింది.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని