IND vs SA: కొనసాగుతున్న వర్షం... ఆటకు అంతరాయం!

ఇంటర్నెట్‌ డెస్క్‌: దక్షిణాఫ్రికాతో జరుగుతున్న రెండో టెస్టు మ్యాచ్‌ నాలుగో రోజు ఆట ఆలస్యంగా ప్రారంభం కానుంది. జొహనెస్‌బర్గ్‌లో చిరు జల్లులు కురుస్తుండటంతో మ్యాచ్‌కు అంతరాయం ఏర్పడింది. కాసేపటి క్రితం అంపైర్లు మైదానాన్ని పరిశీలించారు. వర్షం ఇంకా కొనసాగుతుండటంతో మ్యాచ్‌ను ఆలస్యంగా ప్రారంభించనున్నట్లు తెలుస్తోంది. ఈ మేరకు దక్షిణాఫ్రికా క్రికెట్ బోర్డ్ ట్విటర్‌ ద్వారా వెల్లడించింది. మూడో రోజు ఆట ముగిసే సమయానికి దక్షిణాఫ్రికా 118/2 స్కోరుతో నిలిచిన విషయం తెలిసిందే. సఫారీల విజయానికి ఇంకా 122 పరుగులు కావాలి. డీన్‌ ఎల్గర్‌ (46), వాండర్‌ డస్సెన్‌ (11) క్రీజులో కొనసాగుతున్నారు. మరో వైపు, భారత్ విజయానికి ఎనిమిది వికెట్ల దూరంలో ఉంది.