Breaking | Feedback | ePratibha | E-PAPER | Pratibha

రూట్‌ ఆ రికార్డులన్నింటినీ కొట్టేసెయ్‌..!

స్పిన్‌ను బాగా ఆడే తమ దేశ అత్యుత్తమ ఆటగాడు రూట్‌ అని, టెస్టుల్లో ఇంగ్లాండ్‌ బ్యాటింగ్‌ రికార్డులన్నీ అతను బద్దలుకొడతాడని మాజీ కెప్టెన్‌ నాసిర్‌ హుస్సేన్‌ అభిప్రాయపడ్డాడు...

Updated : 11 Feb 2021 07:37 IST

లండన్‌: స్పిన్‌ను బాగా ఆడే తమ దేశ అత్యుత్తమ ఆటగాడు రూట్‌ అని, టెస్టుల్లో ఇంగ్లాండ్‌ బ్యాటింగ్‌ రికార్డులన్నీ అతను బద్దలుకొడతాడని మాజీ కెప్టెన్‌ నాసిర్‌ హుస్సేన్‌ అభిప్రాయపడ్డాడు. స్పిన్‌కు సహకరించే చెపాక్‌ పిచ్‌పై తొలి ఇన్నింగ్స్‌లో రూట్‌ ద్విశతకం బాదిన సంగతి తెలిసిందే. ‘‘ఇంగ్లాండ్‌ దిగ్గజ ఆటగాళ్లలో కచ్చితంగా రూట్‌ ఒకడు. బహుశా అన్ని ఇంగ్లాండ్‌ బ్యాటింగ్‌ రికార్డులను అతను బద్దలు కొడతాడని అనుకుంటున్నా. అలిస్టర్‌ కుక్‌ పేరిట ఉన్న 161 మ్యాచ్‌ల రికార్డును, అత్యధిక పరుగులనూ దాటేసే వీలుంది. రూట్‌కు ఇప్పుడు 30 ఏళ్లే. ఆల్‌టైమ్‌ ఇంగ్లాండ్‌ బ్యాటింగ్‌ దిగ్గజాల జాబితాలో కుక్, గ్రహమ్‌ గూచ్, పీటర్సన్‌ సరసన రూట్‌ ఉంటాడు. స్పిన్‌ను ఆడడంలో అతనే అత్యుత్తమం. అతనాడే స్వీప్‌ షాట్లు చూసేందుకు రెండు కళ్లు చాలవు’’ అని హుస్సేన్‌ అన్నాడు. భారత్‌తో తొలి టెస్టులో పూర్తిస్థాయి ప్రదర్శనతో ఇంగ్లాండ్‌ గెలిచిందని అతనన్నాడు. తమ బౌలర్లకు విశ్రాంతినిచ్చి, వాళ్ల నుంచి పూర్తి స్థాయి ప్రదర్శన రాబట్టేందుకు రూట్‌.. తొలి టెస్టులో భారత్‌కు ఫాలోఆన్‌ ఆడే అవకాశం ఇవ్వలేదని హుస్సేన్‌ చెప్పాడు.

ఇవీ చదవండి..
‘ఇదిగో.. ఈ యెటకారాలే వద్దనేది వాన్‌’
టాస్‌ ఓడితే ఇంగ్లాండ్‌ పని అంతే..!

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.