Neeraj chopra: అభిమాన నటుడ్ని కలుసుకున్న నీరజ్‌చోప్రా

పుణె: టోక్యో ఒలింపిక్స్‌లో జావెలిన్‌ త్రో విభాగంలో స్వర్ణం సాధించిన నీరజ్‌ చోప్రా బుధవారం తన అభిమాన నటుడు రణ్‌దీప్‌ హుడాని కలుసుకున్నారు. ఈ సందర్భంగా ఇద్దరూ కలిసి దిగిన ఫొటోను రణ్‌దీప్‌ హుడా ఇన్‌స్టాగ్రామ్‌ వేదికగా పంచుకున్నారు. పుణెలోని ఆర్మీ స్పోర్ట్స్‌ ఇనిస్టిట్యూట్‌లో కలుసుకున్న వీరు తెల్లని దుస్తుల్లో కనిపించారు.

‘‘సాధారణ స్థాయి నుంచి అసాధారణ స్థాయికి ఎక్కడ చేరుకుంటారు?ఈ ప్రశ్న చాలా తక్కువమందికి ఎదురవుతుంది. అందులోనూ చాలా కొద్దిమంది వద్దే దీనికి సమాధానం ఉంటుంది. అలాంటి వారిలో ఒకరిగా నిన్ను కలిశా. నువ్వు అంత ఎత్తు ఎదిగావని తమ్ముడు’’ అంటూ నీరజ్‌ని ఉద్దేశించి రాసుకొచ్చారు. 2021, ఆగస్టు16 నీరజ్‌ ఓ జాతీయ మీడియాకి ఇచ్చిన ఇంటర్వ్యూని తన ఇన్‌స్టాగ్రామ్‌ ఖాతాలో పోస్ట్‌ చేశారు. ఇందులో నీరజ్‌.. ‘‘ ఇంగ్లిష్‌, పంజాబీ, హిందీ... ఈ మూడు భాషల్లో సినిమాలు చూస్తాను. రణ్‌దీప్‌ నటన అంటే నాకు ఇష్టం, ఆయన నటించిన ‘లాల్‌రంగ్‌’ అంటే చాలా ఇష్టం. మొత్తం హరియాణాలో మాట్లాడుకునే యాసలో ఉంటుందీ సినిమా అంతా. అవే కాదు.. ఆయన నటించిన ‘సర్బజీత్‌’, ‘హైవే’ కూడా ఆకట్టుకున్నాయి.’’ అని చెప్పారు. 2018 ఆసియా క్రీడల్లో విజయం సాధించాక.. నీ బయోపిక్‌లో ఏ హీరో నటిస్తే బాగుంటుందన్న ప్రశ్నకు నీరజ్‌.. రణ్‌దీప్‌ హుడా బాగుంటాడని చెప్పాడు. కాగా ఈ ఇద్దరిదీ ఒకే రాష్ట్రం (హరియాణా) వాళ్లేకాదు. ఇద్దరికీ క్రీడలంటే మక్కువ కూడా.

► Read latest Sports News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.