Published : 11 Sep 2021 23:36 IST

New Zealand: 18 ఏళ్ల తర్వాత పాక్‌ పర్యటనకు న్యూజిలాండ్‌ జట్టు

ఇంటర్నెట్‌డెస్క్‌: పద్దెనిమిదేళ్ల తర్వాత న్యూజిలాండ్‌ క్రికెట్‌ జట్టు పాకిస్థాన్‌లో పర్యటిస్తోంది. 3 వన్డేలు, 5 టీ20 మ్యాచుల్లో తలపడేందుకు ఆ జట్టు శనివారం పాకిస్థాన్‌ చేరుకుంది. బుల్లెట్‌ ప్రూఫ్‌ బస్‌లో న్యూజిలాండ్‌ ఆటగాళ్లు హోటల్‌కి వెళ్లారు. ‘పాకిస్థాన్‌లో మళ్లీ పర్యటించడం చాలా ఆనందంగా ఉంది’ అని న్యూజిలాండ్‌ కెప్టెన్‌ టామ్‌ లాథమ్‌ పేర్కొన్నాడు. మరి కొందరు ఆటగాళ్లు టాడ్‌ అసిల్‌, మార్క్ చాప్‌మన్‌, మార్టిన్‌ గప్తిల్‌, డెరిల్‌ మిచెల్‌, ఇష్‌ సోథీ ఆదివారం పాకిస్థాన్‌ చేరుకోనున్నారు. కరోనా నేపథ్యంలో స్టేడియం మొత్తం సామర్థ్యంలో కేవలం 25 శాతం మంది ప్రేక్షకులను మాత్రమే ప్రత్యక్ష మ్యాచులకు అనుమతించనున్నారు. సెప్టెంబరు 17 నుంచి వన్డేలు, 25 నుంచి టీ20 మ్యాచులు ప్రారంభం కానున్నాయి. కేన్‌ విలియమ్సన్‌ సహా పలువురు న్యూజిలాండ్‌ ఆటగాళ్లు ఐపీఎల్‌ కారణంగా పాకిస్థాన్‌ పర్యటనకు దూరమైన విషయం తెలిసిందే.

2002లో న్యూజిలాండ్‌ ఆటగాళ్లు కరాచీలో బస చేస్తున్న హోటల్‌కి సమీపంలో బాంబు దాడి జరిగింది. దీంతో ఆటగాళ్లు అర్ధాంతరంగా తమ స్వదేశానికి పయనమయ్యారు. ఆ తర్వాత చివరి సారిగా 2003లో పాకిస్థాన్‌లో 5 వన్డే మ్యాచులు ఆడారు. అప్పటి నుంచి న్యూజిలాండ్‌ ఆటగాళ్లు పాకిస్థాన్‌లో పర్యటించలేదు. 18 ఏళ్ల తర్వాత మళ్లీ ఇప్పుడు ఆ జట్టు పాక్‌లో పర్యటిస్తోంది.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని