Cricket News : బౌలర్లే.. కానీ బాల్ వేస్తే 160 కి.మీ.పైనే..
క్రికెట్లో నిప్పులు చెరిగే బంతులు.. అనే మాటను తరచూ..
టీమ్ఇండియా నుంచి అత్యధిక వేగం ఎంతంటే?
అన్క్యాప్డ్ ప్లేయర్లలో ఎస్ఆర్హెచ్ ఆటగాడు
ఇంటర్నెట్ డెస్క్: క్రికెట్లో నిప్పులు చెరిగే బంతులు.. అనే మాటను తరచూ వింటుంటాం.. 90 మైళ్ల వేగంతో బంతిని విసిరితే వామ్మో అనేవారు. ఇక వందమైళ్ల స్పీడ్ అంటే అద్భుతమే అని చెప్పాలి. ఇద్దరు మాత్రమే వంద మైళ్ల వేగంతో బంతులను సంధించారు. తొలిసారి సంధించి అందరిచేతా ఔరా అనిపించాడు ‘రావల్పిండి ఎక్స్ప్రెస్’. ఇంతకీ ఏ జట్టు మీద, ఎప్పుడు విసిరాడు.. తర్వాత స్థానంలో ఎవరున్నారు.. టీమ్ఇండియా తరఫున ఎవరు అత్యధిక వేగంతో బంతిని సంధించారనే విషయాలను ఓసారి తెలుసుకుందాం..
అందుకే ‘రావల్పిండి ఎక్స్ప్రెస్’
రెండు దశాబ్దాల కిందట అరవీర భయంకర బౌలర్లలో పాక్ మాజీ ప్లేయర్ షోయబ్ అక్తర్ ఒకడు. సగటున ఓ రైలు ఎంత వేగంతో వెళ్తుందో.. అక్తర్ బౌలింగ్ స్పీడ్ కూడా అలానే ఉంటుంది. అందుకేనేమో రావల్పిండి ప్రాంతానికి చెందిన అక్తర్కు ‘రావల్పిండి ఎక్ప్ప్రెస్’ అనే పేరూ వచ్చింది. వంద మైళ్ల స్పీడ్తో (160 కి.మీపైగా) బంతిని సంధించి ఔరా అనిపించాడు. ఇది జరిగి నేటికి సరిగ్గా 19 ఏళ్లు.. 2003 ప్రపంచకప్ పోటీల్లో భాగంగా ఇంగ్లాండ్తో మ్యాచ్ సందర్భంగా ఒక ఓవర్లో 100.2 మైళ్ల (161.3 కి.మీ) స్పీడ్తో బంతిని విసిరాడు. మిగిలిన ఐదు బంతులను 158కి.మీ సగటు వేగంతో సంధించడం గమనార్హం.
‘టైట్’ బౌలింగ్
అక్తర్ తర్వాత ఆస్ట్రేలియాకు చెందిన షాన్ టైట్ అత్యంత వేగవంతమైన బంతిని సంధించిన బౌలర్గా రికార్డుకెక్కాడు. 2010లో ఇంగ్లాండ్పై వంద మైళ్లకుపైగా (161.1 కి.మీ) వేగంతో బంతిని విసిరాడు. 2007 ప్రపంచకప్ సందర్బంగా బ్రెట్లీ గాయపడటంతో జట్టులోకి వచ్చిన టైట్ అత్యధిక వికెట్లు (23) తీసిన రెండో బౌలర్గా అవతరించాడు. ఆసీస్ తరఫున 3 టెస్టులు, 35 వన్డేలు, 21 టీ20లు ఆడిన టైట్ 2011లో అంతర్జాతీయ క్రికెట్కు వీడ్కోలు పలికాడు.
వందకు కాస్త తక్కువ..
2003, 2007 ప్రపంచకప్లను ఆస్ట్రేలియా కైవసం చేసుకోవడంలో బ్రెట్ లీ కీలక పాత్ర పోషించాడు. షోయబ్ అక్తర్ తర్వాత అత్యంత నిలకడగా వేగవంతమైన బంతులను సంధించేది కేవలం బ్రెట్లీ మాత్రమే. 2005లో నేపియర్లో న్యూజిలాండ్తో మ్యాచ్ సందర్భంగా 160.8 కి.మీ (99.9 మైళ్లు) స్పీడ్తో బంతిని విసిరాడు. ఆసీస్కే చెందిన జెఫ్ థామ్సన్ (1975) మొదటిసారిగా 160 కి.మీపైగా వేగంతో బంతిని సంధించిన బౌలర్గా రికార్డు సృష్టించాడు. విండీస్తో మ్యాచ్ సందర్భంగా 160.6 కి.మీ వేగంతో బంతిని విసిరాడు. మిచెల్ స్టార్క్ కూడా 2015లో న్యూజిలాండ్తో మ్యాచ్లో 160.4 కి.మీ వేగంతో బౌలింగ్ చేశాడు. వీరంతా వంద మైళ్లకు కొద్ది తేడాతో బంతిని సంధించడం విశేషం.
ఇక టీమ్ఇండియా బౌలర్ల సంగతికొస్తే..
టీమ్ఇండియా బౌలర్లలో అత్యంత వేగవంతమైన బౌలర్ జవగళ్ శ్రీనాథ్.. అయితే ఇది అనధికారికం సుమీ.. 1996/97 సీజన్లో దక్షిణాఫ్రికా పర్యటన సందర్భంగా శ్రీనాథ్ 157 కి.మీ మార్క్ను తాకాడు. అయితే సరైన స్పీడ్గన్స్ లేకపోవడంతో అధికారిక జాబితాలోకి ఎక్కలేదు. 1999 ప్రపంచకప్లో 149.6 కి.మీ వేగంతో శ్రీనాథ్ బంతిని సంధించాడు. ఆ వరల్డ్కప్ పోటీల్లో షోయబ్ తర్వాత అత్యధిక వేగవంతమైన బంతి ఇదే కావడం విశేషం.
* ఇర్ఫాన్ పఠాన్ : భారత మాజీ ఆల్రౌండర్ ఇర్ఫాన్ పఠాన్ సంధించిన బంతే ఇప్పటికీ వేగవంతమైంది. 2007 టీ20 ప్రపంచకప్లో 153.7 కి.మీ వేగంతో బంతిని విసిరాడు. పాకిస్థాన్తో జరిగిన ఈ మ్యాచ్లో అరుదైన రికార్డును సృష్టించాడు.
* జస్ప్రీత్ బుమ్రా : డెత్ ఓవర్లలో యార్కర్లను వేయడంలో దిట్ట అయిన బుమ్రా టీమ్ఇండియా కీలక బౌలర్గా ఎదిగాడు. 2018లో ఆసీస్ పర్యటనకు భారత జట్టు వెళ్లింది. బోర్డర్-గావస్కర్ ట్రోఫీలో భాగంగా జరిగిన టెస్టు మ్యాచులో 153.26 కి.మీ వేగంతో బుమ్రా బంతిని సంధించాడు. ఇదే టీమ్ ఇండియా తరఫున రెండో అత్యధికం.
* మహమ్మద్ షమీ : టీమ్ఇండియా నమ్మదగ్గ బౌలర్లలో షమీ ఒకడు. నిలకడగా బౌలింగ్ చేస్తూ వికెట్లను తీసే సత్తా షమీ సొంతం. కీలక సమయాల్లో ఆపద్బాంధవుడి పాత్ర పోషిస్తాడు. అలాంటి షమీ 2014లో ఆసీస్తో జరిగిన మ్యాచ్లో 153.2 కి.మీ వేగంతో బంతిని సంధించాడు.
* ఉమ్రాన్ మాలిక్, సైని : భారత యువ బౌలర్లు ఉమ్రాన్ మాలిక్, నవ్దీప్ సైని కూడానూ వేగవంతమైన బంతులను సంధించారు. అయితే టీమ్ఇండియా తరఫున కాకుండా ఐపీఎల్లో కావడం గమనార్హం. సన్రైజర్స్ హైదరాబాద్ జట్టుకు ఆడుతున్న ఉమ్రాన్ మాలిక్ గతేడాది (2021) రాయల్ ఛాలెంజర్స్ బెంగళూరు జట్టుపై జరిగిన మ్యాచ్లో 153 కి.మీ వేగంతో బంతిని సంధించి ఔరా అనిపించాడు. ఉమ్రాన్ ఇంకా టీమ్ఇండియా జట్టులోకి అరంగేట్రం చేయలేదు. నవ్దీప్ సైని ఐపీఎల్ 2019 ఎడిషన్లో 152.85 కి.మీ వేగంతో బంతిని విసిరాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉప్పల్ ఊగిపోయింది
ఐపీఎల్ చరిత్రలో నిలిచిపోయే మ్యాచ్లో సన్రైజర్స్ అద్వితీయమైన బ్యాటింగ్తో అదరగొట్టింది. బ్యాటర్లు మెషీన్ గన్నుల్లా పేలడంతో ఐపీఎల్లో రికార్డు స్కోరుతో సత్తాచాటింది. తొలి మ్యాచ్లో త్రుటిలో ఓడినా.. రెండో పోరులో చిరస్మరణీయ విజయం అందుకుంది. -
ఇది సన్రైజర్సేనా?
సన్రైజర్స్ అంటే.. నత్తనడక బ్యాటింగ్కు మారు పేరు! సన్రైజర్స్ బ్యాటర్లది.. స్ట్రైక్రేట్లో ఎప్పుడూ వెనుకంజే! సన్రైజర్స్ మెరుపులన్నీ బౌలింగ్ వరకే! కానీ ఇదంతా పాత కథ! -
సింధు శుభారంభం
మాడ్రిడ్ స్పెయిన్ మాస్టర్స్ బ్యాడ్మింటన్ టోర్నీలో భారత స్టార్ షట్లర్ పీవీ సింధు శుభారంభం చేసింది. -
సెమీస్లో బోపన్న జోడీ
44 ఏళ్ల వయసులోనూ అద్భుతమైన ఆటతీరుతో అదరగొడుతున్న భారత టెన్నిస్ వెటరన్ డబుల్స్ స్టార్ రోహన్ బోపన్న మరో టైటిల్ దిశగా సాగుతున్నాడు. -
ఎఫ్ఐహెచ్ అథ్లెట్ల కమిటీలో శ్రీజేష్
అంతర్జాతీయ హాకీ సమాఖ్య నూతన ఎఫ్ఐహెచ్ అథ్లెట్ల కమిటీ సహ అధ్యక్షుడిగా భారత హాకీ వెటరన్ గోల్కీపర్ శ్రీజేష్ నియమితుడయ్యాడు. -
‘ఇంపాక్ట్ ప్లేయర్’ వల్లే ధోని అలా..
కెప్టెన్సీ నుంచి తప్పుకొన్నాడు. ఆటగాడిగా కూడా ఇదే చివరి సీజన్ అని భావిస్తున్నారు. ఈ నేపథ్యంలో మహేంద్ర ధోని బ్యాటు పట్టి కొన్ని మెరుపులు మెరిపిస్తే చూడాలన్నది అభిమానుల ఆశ. -
కోచ్కు జకోవిచ్ టాటా
కోచ్ గోరాన్ ఇవానిసెవిచ్తో ఆరేళ్ల బంధానికి జకోవిచ్ వీడ్కోలు పలికాడు. 2018లో ఇవానిసెవిచ్తో కలిసి జకోవిచ్ ప్రయాణం ప్రారంభించాడు. -
సచిన్ గోల్ఫాట
క్రికెట్ దిగ్గజం సచిన్ తెందుల్కర్ గోల్ఫ్ స్టిక్ చేతబట్టాడు. హైదరాబాద్ గచ్చిబౌలిలోని బౌల్డర్హిల్స్ క్లబ్లో బుధవారం గోల్ఫ్ ఆడాడు. -
భారత్-పాక్ సిరీస్.. ఆసీస్ ఆసక్తి
భారత్, పాకిస్థాన్ మధ్య ద్వైపాక్షిక టెస్టు సిరీస్కు ఆతిథ్యమివ్వడానికి ఆస్ట్రేలియా మరోసారి ఆసక్తి వ్యక్తం చేసింది. -
ముంబయిలో హార్దిక్కు మరింతగా..
రోహిత్ శర్మ స్థానంలో ముంబయి ఇండియన్స్ కెప్టెన్గా ఎంపికైన హార్దిక్ పాండ్యకు సామాజిక మాధ్యమాల్లోనే కాదు మైదానాల్లోనూ తీవ్ర వ్యతిరేకత తప్పడం లేదు. -
మళ్లీ బాబర్కే పగ్గాలు!
పాకిస్థాన్ క్రికెట్ జట్టు పగ్గాలు మళ్లీ బాబర్ అజామ్ చేతికి దక్కే సూచనలు కనిపిస్తున్నాయి. అతణ్ని మరోసారి జట్టు కెప్టెన్గా నియమించేందుకు పాకిస్థాన్ క్రికెట్ బోర్డు (పీసీబీ) ఆసక్తితో ఉన్నట్లు తెలుస్తోంది. -
స్టిమాక్ను తప్పించాల్సిందే
ఫుట్బాల్ ప్రపంచకప్ క్వాలిఫయర్స్లో చిన్న జట్టు అఫ్గానిస్థాన్ చేతిలో భారత్ అనూహ్య ఓటమితో కోచ్ స్టిమాక్ను తప్పించాలని మాజీ ఆటగాళ్లు డిమాండ్ చేస్తున్నారు. -
హైదరాబాద్, ముంబయి మ్యాచ్లో నమోదైన రికార్డులివీ..
ఉప్పల్ వేదికగా ముంబయితో జరిగిన మ్యాచ్లో హైదరాబాద్ 31 పరుగుల తేడాతో విజయం సాధించింది. ఈ మ్యాచ్లో పలు రికార్డులు నమోదు అయ్యాయి.
తాజా వార్తలు (Latest News)
-
నగదుంటేనే రైడ్ రైట్
-
మహబూబ్నగర్ స్థానిక సంస్థల ఎమ్మెల్సీ ఉప ఎన్నిక నేడు
-
న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
-
హైదరాబాద్, ముంబయి మ్యాచ్లో నమోదైన రికార్డులివీ..
-
రాశీఖన్నా ‘గోల్డెన్’ మెరుపులు.. అలా చూడొద్దన్న కేతిక.. టీమ్తో కృతి సనన్
-
లీడర్ పిలిస్తే.. జనసేన పార్టీ ప్రచారానికి సిద్ధంగా ఉన్నా: నటి అనసూయ