Novak Djokovic: కొవిడ్ సోకినా.. విచ్చలవిడిగా తిరిగిన జకోవిచ్..!
వైరస్కు ప్రాంతాలు.. మతాలు.. భావజాలంతో సంబంధం లేదు.. ఎవరికైనా సోకుతుంది.. నిప్పు కాలడం ఎంత నిజమో.. వైరస్ ప్రభావానికి గురైతే అనారోగ్యం
ప్రయాణ పత్రాల్లో తప్పుడు సమాచారం
ఇంటర్నెట్డెస్క్ ప్రత్యేకం
వైరస్కు ప్రాంతాలు.. మతాలు.. భావజాలంతో సంబంధం లేదు.. ఎవరికైనా సోకుతుంది.. నిప్పు కాలడం ఎంత నిజమో.. వైరస్ ప్రభావానికి గురైతే అనారోగ్యం పాలవడం అంతే నిజం. కొందరు సెలబ్రిటీలు, నాయకులు ఈ చిన్న విషయాన్ని కూడా నమ్మకుండా.. విచ్చలవిడిగా తిరుగుతూ తమ ప్రాణాలకు ప్రమాదం తెచ్చుకోవడంతో పాటు.. చుట్టుపక్కల వారిని మృత్యువు ముంగిటికి పంపుతున్నారు. తాజాగా టెన్నిస్ క్రీడాకారుడు నోవాక్ జకోవిచ్ (Novak Djokovic) వ్యవహారం కాకపుట్టిస్తోంది. కొవిడ్ సోకిందని తెలిసినా ఇష్టమొచ్చినట్లు కార్యక్రమాల్లో పాల్గొన్న విషయం వెలుగులోకి వచ్చింది. ఫలితంగా అతడు ఆస్ట్రేలియా ఓపెన్(australian Open)లో పాల్గొనే అంశంపై నీలినీడలు కమ్ముకొన్నాయి.
మొదటి నుంచి టీకాకు వ్యతిరేకి..
జకోవిచ్ (Novak Djokovic) మొదటి నుంచి టీకా తీసుకోవడానికి వ్యతిరేకం. 2020 ఏప్రిల్లో ఈ మేరకు బహిరంగ ప్రకటన చేస్తూ.. కొవిడ్ టీకాకు వ్యతిరేకమని తెలిపాడు. తప్పనిసరి పరిస్థితి వస్తే అప్పుడు ఆలోచిస్తానని చెప్పాడు. అదే ఏడాది కరోనా వ్యాప్తి పెరగడంతో టెన్నిస్ టూర్లు రద్దయ్యాయి. దీంతో సెర్బియా, క్రొయేషియా మధ్య ఎగ్జిబిషన్ మ్యాచ్లు నిర్వహించాడు. అక్కడ కొవిడ్ నిబంధనలు పాటించలేదు. బెల్గ్రేడ్లో జరిగిన ఎగ్జిబిషన్ మ్యాచ్ల కారణంగా క్రీడాకారులతోపాటు జకోవిచ్, అతని భార్య జెలినాకు కూడా వైరస్ సోకింది.
కొవిడ్ సోకిందని తెలిసి కూడా..
ఆస్ట్రేలియాలో కఠిన నిబంధనలు విధించినా కొవిడ్ అదుపులోకి రావడంలేదు. ఈ నేపథ్యంలో ఆస్ట్రేలియన్ ఓపెన్ జరిగే విక్టోరియా రాష్ట్రం కీలక నిర్ణయం తీసుకొంది. 2021 నవంబర్లో టోర్నీ ఆడే ప్రతి క్రీడాకారుడు టీకా తీసుకోవాలనే నిబంధన విధించింది. సరైన ఆరోగ్య కారణాలు చూపి మినహాయింపు పొందవచ్చని పేర్కొన్నారు. అప్పటికి జకోవిచ్(Novak Djokovic) టీకా తీసుకోలేదు.
డిసెంబర్ 14న బెల్గ్రేడ్లో జరిగిన ఓ బాస్కెట్ బాల్ టోర్నీలో జకోవిచ్ పాల్గొన్నాడు. అక్కడి క్రీడాకారులతో కలిసి ఫొటోలకు పోజులిచ్చాడు. ఆ తర్వాత పలువురు క్రీడాకారులకు కరోనావైరస్ సోకినట్లు తేలింది. ఆ తర్వాత డిసెంబర్ 16వ తేదీన జకోవిచ్ కొవిడ్ పరీక్ష నివేదికలో పాజిటివ్ వచ్చింది. ఈ విషయాన్ని గోప్యంగా ఉంచారు.
మర్నాడే బెల్గ్రేడ్లో జరిగిన ఓ కార్యక్రమంలో పాల్గొన్నాడు. ఆ కార్యక్రమంలో పాల్గొనడానికి ముందు యాంటీజెన్, పీసీఆర్ పరీక్షలు నిర్వహించారు. యాంటీజెన్లో నెగిటివ్ రావడంతో ఆ కార్యక్రమంలో పాల్గొని పిల్లలతో కలిసి మాస్కులేకుండా ఫొటోలకు పోజులిచ్చాడు. ఆ తర్వాత పీసీఆర్ పరీక్షలో అతనికి పాజిటివ్గా తేలింది. జకోవిచ్ మాత్రం 16వ తేదీన నిర్వహించిన పీసీఆర్ పరీక్ష ఫలితాలు 17వ తేదీన కార్యక్రమంలో పాల్గొన్న తర్వాత వచ్చాయని చెబుతున్నాడు. నమూనా ఇచ్చాక ఐసోలేషన్లో ఎందుకు లేడో చెప్పలేదు. పీసీఆర్ పరీక్షలో పాజిటీవ్ వచ్చినా జకోవిచ్ ఆగలేదు.. 18వ తేదీన ఫ్రెంచి పత్రిక లెక్విప్కు ఇంటర్వ్యూ ఇచ్చాడు.
జనవరి 4వ తేదీన జకోవిచ్ ఆస్ట్రేలియాకు పయనమవుతున్నట్లు ఇన్స్టాలో పోస్టు చేశాడు. ఆయనకు ఆరోగ్య కారణాలతో టీకా నుంచి మినహాయింపు ఇచ్చినట్లు ఆస్ట్రేలియా టెన్నిస్ అధికారులు ధ్రువీకరించారు. ఆ కారణాలు ఏమిటో వెల్లడించలేదు. దీంతో వివాదం మొదలైంది. ఆస్ట్రేలియా ప్రధాని స్కాట్ మారిసన్ దీనిపై స్పందిస్తూ ‘‘మా సరిహద్దుల్లో నిబంధనలు అందరికీ ఒక్కటే’’ అని ట్వీట్ చేశారు. ఆ తర్వాత జకోవిచ్ ఇమ్మిగ్రేషన్ డిటెన్షన్ సెంటర్కు చేరగా.. వివాదం కోర్టుకు చేరింది. జకోవిచ్కు లాయర్తో మాట్లాడేందుకు తగినంత సమయం ఇవ్వకుండా వీసా నిరాకరించారని న్యాయమూర్తి కెల్లీ తేల్చారు. జకోవిచ్ను విడుదల చేయాలని ఆదేశించారు. దీంతో జకోవిచ్ బయటకు వచ్చిన కొన్ని గంటల్లోనే మెల్బోర్న్ పార్క్లో సాధన చేస్తూ కనిపించాడు. ఇది వివాదాన్ని మరింత రాజేసింది.
అబద్ధాలు బయటపడ్డాయిలా..
* ప్రయాణించేందుకు అవసరమైన పత్రాల్లో కూడా నోవాక్ జకోవిచ్(Novak Djokovic) అబద్ధాలు పేర్కొన్నాడు. ఆస్ట్రేలియా ప్రయాణానికి 14 రోజుల ముందు ఎక్కడికైనా వెళ్లారా అని ఆ పత్రాల్లో ప్రశ్నించగా.. ‘లేదు’ అని జకోవిచ్ పేర్కొన్నాడు. కానీ అతడు స్పెయిన్లో ప్రయాణించినట్లు తాజాగా వెలుగులోకి వచ్చింది. తన ఏజెంటు తప్పు కారణంగా పత్రాల్లో అలా రాసినట్లు వెల్లడించాడు.
* కోర్టులో జకోవిచ్ డిసెంబర్ 16న కొవిడ్ బారిన పడ్డట్లు వెల్లడించాడు. ఆ తర్వాత ‘గార్డియన్ ఆస్ట్రేలియా’ వంటి పత్రికలు డిసెంబర్ 16, 17, 18 తేదీల్లో జకోవిచ్ పర్యటనల చిత్రాలతో సహా కథనాలు ప్రచురించడంతో ఆస్ట్రేలియాలో గగ్గోలు మొదలైంది. ఫ్రెంచి పత్రిక లెక్విప్కు ఇంటర్వ్యూ ఇవ్వడం తప్పేనని అంగీకరించాడు.
రికార్డు కోసం ఆత్రుత..!
ప్రపంచం మొత్తం ఒమిక్రాన్ పడగనీడలోకి జారిపోతున్నా.. టెన్నిస్ నెంబర్-1 క్రీడాకారుడు జకోవిచ్కు తన రికార్డే ముఖ్యం. ఇప్పటికే స్పెయిన్ బుల్ రఫెల్ నాదల్, టెన్నిస్ మాస్ట్రో రోజర్ ఫెదరర్ 20 గ్రాండ్ స్లామ్ టైటిల్స్ సాధించారు. జకోవిచ్ (Novak Djokovic)కూడా 20 గ్రాండ్ స్లామ్ టైటిల్స్ అందుకొన్నాడు. అన్ని సాధారణంగా ఉంటే వీరు ముగ్గురు ఆస్ట్రేలియన్ ఓపెన్ (australian Open) ఆడాల్సి ఉంది. ఈ ముగ్గురులో ఎవరు టైటిల్ గెలిచినా.. 21 గ్రాండ్స్లామ్ టైటిల్స్ సాధించిన తొలి క్రీడాకారుడిగా సరికొత్త చరిత్ర సృష్టిస్తారు. రఫెల్ నాదల్ ఈ టోర్నీకి వస్తుండగా.. ఫెదరర్ శస్త్రచికిత్స నుంచి కోలుకొంటున్నాడు.
మండిపడుతున్న షేన్వార్న్..!
జకోవిచ్ వ్యవహారంపై దిగ్గజ స్పిన్నర్ షేన్ వార్న్ కూడా గళం విప్పాడు. కొవిడ్ సోకిందని తెలిసినా జనంలో తిరిగిన జకోవిచ్ను ఆస్ట్రేలియాలో అడుగుపెట్టనిచ్చింది ఎవరని ప్రశ్నించారు. అతడికి వైద్య కారణాలతో అనుమతులు ఇచ్చిందెవరో వెల్లడించాలని ప్రభుత్వాన్ని డిమాండ్ చేశారు. విక్టోరియా వాసిగా నేను సిగ్గుపడుతున్నాను అని ఆగ్రహం వ్యక్తం చేశాడు.
నోవాక్ జకోవిచ్ (Novak Djokovic)పై ముసురుకొన్న కష్టాలు..
* మరో వైపు కోర్టు తీర్పు ఇచ్చినా.. జకోవిచ్ వీసాను రద్దు చేసే విషయాన్ని ఆస్ట్రేలియా ఇమ్మిగ్రేషన్ మంత్రి అలెక్స్ హాక్ పరిశీలిస్తున్నారు.
* జకోవిచ్ విషయం తేలకపోవడంతో ఆస్ట్రేలియా ఓపెన్ (australian Open)టోర్ని డ్రా కార్యక్రమాన్ని వాయిదా వేశారు.
* కొవిడ్ సోకినా బయట తిరిగినట్లు అంగీకరించడంతో సెర్బియా చట్టాల ప్రకారం జకోవిచ్కు జరిమానా లేదా జైలు శిక్ష పడే అవకాశం ఉంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈ సీజన్లో తొలి జట్టుగా కోల్కతా.. ‘500’ క్లబ్లోకి సునీల్ నరైన్
ఈ సీజన్లో బెంగళూరుకు రెండో ఓటమి ఎదురైంది. సొంత మైదానం చిన్నస్వామి స్టేడియంలో కోల్కతా చేతిలో పరాజయంపాలైంది. -
ఆర్సీబీ.. ఉఫ్
సన్రైజర్స్పై ఆండ్రి రసెల్ విధ్వంసక ఇన్నింగ్స్ చూశాక.. తర్వాతి మ్యాచ్లో బ్యాటింగ్కు బాగా సహకరించే చిన్నస్వామి స్టేడియంలో, బలహీనంగా కనిపిస్తున్న ఆర్సీబీ బౌలింగ్ను అతనెలా ఉతికారేస్తాడో అని ఆర్సీబీ అభిమానులు కంగారు పడ్డారు! కానీ శుక్రవారం రసెల్ బ్యాటందుకోవాల్సిన అవసరమే పడలేదు. -
పరాగ్ పట్టుదలతో
ఆ యువ ఆటగాడు మైదానంలో కనిపిస్తే చాలు ఎగతాళి.. అంచనాలు అందుకోవడం లేదంటూ విమర్శలు.. నిలకడ లేదనే వ్యాఖ్యలు.. అంతర్జాలంలో దూషణలు.. ఇలా ఎంతో వ్యతిరేకత! కానీ ఆ కుర్రాడు కుంగిపోలేదు. పట్టుదలతో సాగుతున్నాడు. -
హార్దిక్.. అవి పట్టించుకోవద్దు!
రోహిత్ శర్మ స్థానంలో ముంబయి ఇండియన్స్ కెప్టెన్గా నియమితుడైన హార్దిక్ పాండ్యకు ఐపీఎల్ మ్యాచ్ల కోసం వెళ్లిన ప్రతి వేదికలోనూ ప్రేక్షకుల నుంచి వ్యతిరేకత తప్పట్లేదు. -
ఇదే నా అత్యుత్తమ చివరి ఓవర్
ఇప్పటిదాకా తాను వేసిన ఇన్నింగ్స్ చివరి ఓవర్లలో గురువారం రాత్రి దిల్లీ క్యాపిటల్స్ మీద వేసిందే ఉత్తమమైందని రాజస్థాన్ రాయల్స్ పేసర్ అవేష్ ఖాన్ అభిప్రాయపడ్డాడు. -
కోహ్లి, గంభీర్ నవ్వుల్ నవ్వుల్..
ఐపీఎల్లో విరాట్ కోహ్లి, గౌతమ్ గంభీర్ మధ్య వైరం తెలిసిందే. నిరుడు లఖ్నవూ సూపర్ జెయింట్స్ మెంటార్గా గంభీర్ ఉన్న సమయంలో.. ఆర్సీబీతో మ్యాచ్ సందర్భంగా మైదానంలో ఈ ఇద్దరి మధ్య గొడవ జరిగిన విషయం విదితమే. -
పోరాడి ఓడిన సింధు
మాడ్రిడ్ స్పెయిన్ మాస్టర్స్ సూపర్ 300 బ్యాడ్మింటన్ టోర్నీలో శుక్రవారం భారత్కు మిశ్రమ ఫలితాలు వచ్చాయి. మిక్స్డ్ డబుల్స్లో దంపతులు సిక్కిరెడ్డి- సుమీత్ రెడ్డి సెమీస్ చేరారు. -
అమెరికా జట్టులో కివీస్ ఆల్రౌండర్
కోరీ అండర్సన్ గుర్తున్నాడా? ఒకప్పుడు 36 బంతుల్లోనే సెంచరీ చేసి వన్డేల్లో అత్యంత వేగవంతమైన శతక రికార్డును నెలకొల్పిన న్యూజిలాండ్ ఆటగాడు. -
ఫైనల్లో బోపన్న జోడీ
వయసు పెరుగుతున్నా వన్నె తగ్గని ఆటతీరుతో అదరగొడుతున్న భారత వెటరన్ టెన్నిస్ స్టార్ రోహన్ బోపన్న మరో డబుల్స్ టైటిల్కు చేరువయ్యాడు. -
పంత్ త్వరలోనే ప్రత్యేకంగా..
మధ్య ఓవర్లలో రిషబ్ పంత్ ఎలా ఆడతాడన్న దానిపై దిల్లీ క్యాపిటల్స్ ప్రదర్శన ఆధారపడిందని ఆ జట్టు బౌలింగ్ కోచ్ జేమ్స్ హోప్స్ పేర్కొన్నాడు.