ramiz raja: అప్పుడలా.. ఇప్పుడిలా.. మరోసారి చిక్కుల్లో పీసీబీ

పాకిస్థాన్‌ స్టార్‌ పేసర్‌ షహీన్‌ షా అఫ్రిది వైద్య ఖర్చుల విషయంలో విమర్శలు ఎదుర్కొంటున్న పాకిస్థాన్‌ క్రికెట్‌ బోర్డు మరోసారి చిక్కుల్లో పడింది

Published : 26 Sep 2022 02:09 IST

ఇంటర్నెట్‌ డెస్క్‌: పాకిస్థాన్‌ స్టార్‌ పేసర్‌ షహీన్‌ షా అఫ్రిది వైద్య ఖర్చుల విషయంలో విమర్శలు ఎదుర్కొంటున్న పాకిస్థాన్‌ క్రికెట్‌ బోర్డు మరోసారి చిక్కుల్లో పడింది. ఆ దేశ హెడ్‌ కోచ్‌ సక్లయిన్‌ ముస్తాక్‌ మోకాలి చికిత్సకు పీసీబీ వెంటనే స్పందించి రూ.10 లక్షలు విడుదల చేసినట్టుగా తెలుస్తోంది. టాప్‌ ఆటగాడి చికిత్సపై ఎంతో నిర్లక్ష్యంగా వ్యవహరించిన బోర్డు ఈ విషయంలో అత్యుత్సాహం ప్రదర్శించడం కొత్త చర్చకు దారితీసింది.

ఇటీవల పాక్‌ జట్టు నెదర్లాండ్స్‌లో వన్డే మ్యాచ్‌ ఆడేందుకు వెళ్లిన సమయంలో ముస్తాక్‌ మోకాలి సమస్యతో బాధపడ్డాడు. అక్కడ అతడికి చికిత్స అందించిన జట్టు వైద్యుడు నజీబ్‌ సుమ్రో సూచించిన కారణంగా బోర్డు ఛైర్మన్‌ రమీజ్‌ రజా నిబంధనలను పక్కనపెట్టినట్టు సమాచారం. సాధారణంగా ఒప్పంద ఆటగాళ్లు, ఇతర ఉద్యోగులకు పీసీబీ మెడికల్‌ కవరేజీని అందిస్తోంది. అయితే వీటిని విడుదల చేయడానికి నిర్దిష్ట పద్ధతులు ఉంటాయి. ఇంత వేగంగా పీసీబీ నిధులను విడుదల చేయడం అనుమానాలకు తావిస్తోంది. అఫ్రిది తన వైద్య ఖర్చులను తానే భరించాడని ఇటీవల మాజీ కెప్టెన్‌ షాహిద్‌ అఫ్రిన్‌ చేసిన వ్యాఖ్యలు కలకలం రేపిన విషయం తెలిసిందే. ఆ సమయంలో అతడి గాయాన్ని పట్టించుకోలేదని పాక్‌ విమర్శలపాలైంది.

Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని