PAK vs BAN: బంగ్లాపై పాక్‌ ఘనవిజయం

చట్టోగ్రామ్‌: బంగ్లాదేశ్‌తో తొలి టెస్టులో పాకిస్థాన్‌ 8 వికెట్ల తేడాతో ఘనవిజయం సాధించింది. ఓపెనర్లు అబిద్‌ అలీ (91), అబ్దుల్‌ షఫిక్‌ (73) రాణించడంతో 202 పరుగుల లక్ష్యాన్ని 2 వికెట్లు మాత్రమే కోల్పోయి ఛేదించింది. ఓవర్‌నైట్‌ స్కోరు 109/0తో మంగళవారం, చివరి రోజు రెండో ఇన్నింగ్స్‌ను కొనసాగించిన పాక్‌.. 151 వద్ద షఫిక్‌ వికెట్‌ను కోల్పోయింది. కాసేపటి తర్వాత అబిద్‌ అలీ నిష్క్రమించాడు. అజహర్‌ అలీ (24 నాటౌట్‌), బాబర్‌ అజామ్‌ (13 నాటౌట్‌) మిగతా పని పూర్తి చేశారు. తొలి ఇన్నింగ్స్‌లో బంగ్లాదేశ్‌ 330 పరుగులు చేయగా.. పాకిస్థాన్‌ 286 పరుగులు సాధించింది. రెండో ఇన్నింగ్స్‌లో బంగ్లా 157 పరుగులకే ఆలౌటైంది. అబిద్‌ అలీకి ‘ప్లేయర్‌ ఆఫ్‌ ద మ్యాచ్‌’ అవార్డు లభించింది.