Ishan Kishan: నా బ్యాట్పై అతడి ఆటోగ్రాఫ్.. జీవితంలో మరచిపోలేని సందర్భం: ఇషాన్ కిషన్
భారత యువ ఆటగాడు ఇషాన్ కిషన్ తన జీవితంలోని మధురమైన క్షణాల గురించి ఆసక్తికర విషయాలు వెల్లడించాడు.
ఇంటర్నెట్ డెస్క్: భారత యువ ఆటగాడు ఇషాన్ కిషన్ తన జీవితంలోని మధురమైన క్షణాల గురించి ఆసక్తికర విషయాల్ని పంచుకున్నాడు. తన బ్యాట్పై భారత మాజీ కెప్టెన్ ధోనీ సంతకం పెట్టడం మరచిపోలేని సందర్భమని తెలిపాడు. ధోనీ సొంత రాష్ట్రం ఝార్ఖండ్కు చెందిన ఇషాన్.. క్రికెట్లో తాను ఎక్కువగా ధోనీని ఆరాధిస్తానని వెల్లడించాడు. ఇందుకు సంబంధించిన వీడియోను బీసీసీఐ ట్విటర్లో పోస్టు చేసింది.
‘‘నేను చిన్నప్పటి నుంచి క్రికెట్లో మహేంద్ర సింగ్ ధోనీని ఆరాధిస్తూనే పెరిగా. నేను మొదటిసారి ధోనీని చూసినప్పుడు నా వయసు 18 ఏళ్లు. అప్పుడు అతడిని ఆటోగ్రాఫ్ అడిగా. నా బ్యాట్పై అతడి ఆటోగ్రాఫ్ చూస్తే చాలా గర్వంగా ఉంటుంది. ఆ సందర్భాన్ని నేను ఎప్పటికీ మరచిపోలేను. నేనూ అతడిలా అద్భుతంగా రాణించడానికి కృషి చేస్తా’’ అని ఇషాన్ పేర్కొన్నాడు.
వికెట్కీపర్గా, బ్యాటర్గా అద్బుతంగా రాణిస్తున్నఇషాన్ కిషన్ ప్రస్తుతం భారత జట్టులో కీలక ఆటగాడిగా మారాడు. గతేడాది బంగ్లాదేశ్తో జరిగిన వన్డే సిరీస్ మూడో మ్యాచ్లో అతడు అత్యంత వేగంగా ద్విశతకం(131 బంతుల్లో 210) సాధించిన విషయం తెలిసిందే. ఇషాన్ ఇప్పటివరకు 13 వన్డేలు ఆడి 507 పరుగులు చేశాడు. టీ20ల్లో 24 మ్యాచులు ఆడి 629 పరుగులు సాధించాడు. అందులో నాలుగు అర్ధ సెంచరీలు ఉన్నాయి. ఇషాన్ పుట్టింది పట్నాలోనే అయిన పెరిగింది మాత్రం ఝార్ఖండ్లో. దీంతో అతడు ధోనీపై అమితమైన అభిమానాన్ని ప్రదర్శిస్తుంటాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు
-
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
-
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
-
అమ్మ చనిపోయారు.. నేను పోటీ చేయలేను: ‘హిమాచల్’ డిప్యూటీ సీఎం కుమార్తె