Dravid: ద్రవిడ్కు క్షమాపణలు చెప్పి డిన్నర్కి పిలిచిన మాజీ క్రికెటర్.. కారణం ఏంటంటే?
టీమ్ఇండియా ప్రధాన కోచ్ రాహుల్ ద్రవిడ్కి సౌతాఫ్రికా మాజీ ఆటగాడు, బంగ్లాదేశ్ బౌలింగ్ కోచ్ అలెన్ డొనాల్డ్ క్షమాపణలు చెప్పాడు. 1997లో అతడు ఓ వన్డే మ్యాచ్లో ద్రవిడ్తో దురుసుగా ప్రవర్తించడమే ఇందుకు కారణం.
ఇంటర్నెట్ డెస్క్: టీమ్ఇండియా ప్రధాన కోచ్ రాహుల్ ద్రవిడ్కు దక్షిణాఫ్రికా మాజీ ఆటగాడు అలెన్ డొనాల్డ్ క్షమాపణలు చెప్పాడు. 1997లో అతడు ఓ వన్డే మ్యాచ్లో ద్రవిడ్తో దురుసుగా ప్రవర్తించడమే ఇందుకు కారణం. అలెన్ క్షమాపణలు చెబుతూ ద్రవిడ్ని డిన్నర్కి ఆహ్వానించగా.. ద్రవిడ్ దానికి అంగీకరించాడు.. కానీ ఓ షరతు పెట్టాడు.
ప్రస్తుతం బంగ్లాదేశ్ బౌలింగ్ కోచ్గా ఉన్న అలెన్ డొనాల్డ్.. భారత ప్రధాన కోచ్ రాహుల్ ద్రవిడ్తో మైదానంలో జరిగిన కొన్ని ఘటనలను గుర్తు చేసుకున్నాడు. 1997లో దక్షిణాఫ్రికా, భారత్ల మధ్య జరిగిన ఓ వన్డే మ్యాచ్లో ద్రవిడ్పై అలెన్ స్లెడ్జింగ్కి దిగాడు.
ఈ సంఘటన గురించి అలెన్ ఓ ఇంటర్వ్యూలో మాట్లాడాడు. ‘నేను మాట్లాడకూడదనుకునే ఒక దారుణమైన సంఘటన డర్బన్లో జరిగింది. రాహుల్ ద్రవిడ్, సచిన్ మా బౌలింగ్ని సమర్థవంతంగా ఎదుర్కొని అన్ని వైపుల షాట్లు ఆడుతున్నారు. అప్పుడు నేను ద్రవిడ్తో కొంచెం దురుసుగా ప్రవర్తించా. కానీ, రాహుల్తో నాకు ఎలాంటి విభేదాలు లేవు. అతడంటే ఎంతో గౌరవం. నేను రాహుల్తో బయటికి వెళ్లి కూర్చొని ఆ రోజు జరిగిన దాని గురించి మళ్లీ అతనికి క్షమాపణలు చెప్పాలనుకుంటున్నా. అతడి వికెట్ కోసం నేనెలా చేసి ఉండాల్సింది కాదు. ఆ రోజు చేసిన పనికి నేనిప్పటికీ క్షమాపణలు చెబుతున్నా. రాహుల్ చాలా గొప్ప వ్యక్తి. మీరు (ద్రవిడ్) ఇది వింటే మీతో ఒకరోజు డిన్నర్ చేయాలనుకుంటున్నా’ అని అలెన్ డొనాల్డ్ చెప్పాడు.
అలెన్ డొనాల్డ్ మాట్లాడిన వీడియోని రాహుల్ ద్రవిడ్ మరో ఇంటర్వ్యూలో చూశాడు. డొనాల్డ్ డిన్నర్కు ఆహ్వనించడంపై ద్రవిడ్ స్పందిస్తూ.. ‘కచ్చితంగా వస్తా. నేను దాని కోసం ఎదురుచూస్తున్నా. బిల్లు మాత్రం అతడే కట్టాలి (నవ్వుతూ)’ అని పేర్కొన్నాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
నా జీవితాన్ని నాశనం చేసింది నువ్వే.. వైకాపా ఎమ్మెల్యే భార్యను నిలదీసిన మహిళ
-
అమెరికా వైదొలగితే.. ప్రపంచానికి ఎవరు నాయకత్వం వహిస్తారు?: బైడెన్
-
బస్సులో సీఎం... ఎండలో జనం
-
విజయవాడ రైల్వేస్టేషన్లో రూ.20కే నాణ్యమైన భోజనం
-
ఈనాడు.నెట్లో టాప్ 10 వార్తలు @ 9 AM
-
జాతీయ రహదారిని.. జగన్కు రాసిచ్చేశారా?