MS Dhoni - Ravindra Jadeja: ధోని, జడేజా మధ్య వాగ్యుద్ధం!

దిల్లీ: చెన్నై సూపర్‌కింగ్స్‌ తన చివరి లీగ్‌ మ్యాచ్‌లో 77 పరుగుల తేడాతో దిల్లీని ఓడించి ప్లేఆఫ్స్‌కు అర్హత సాధించిన సంగతి తెలిసిందే. అయితే శనివారం మ్యాచ్‌ అనంతరం చెన్నై కెప్టెన్‌ ధోని, ఆల్‌రౌండర్‌ జడేజా మధ్య ఏదో విషయంలో వాదన జరగడం ఆసక్తిరేపుతోంది. కానీ వాళ్ల సీరియస్‌ చర్చకు కారణమేంటో మాత్రం తెలియదు. ధోని దగ్గరకు వచ్చిన జడేజా అతడితో ఆట గురించి ఏదో మాట్లాడడం కనిపించింది. ధోని ముందు జడేజాపై చేయి వేయడం ద్వారా అతణ్ని శాంతపరిచి ఏదో వివరించాడు. క్రమంగా ధోని కూడా కాస్త తీవ్రంగా స్పందించాడు. ఆదివారం జడేజా ఎవరైనా కర్మ అనుభవించక తప్పదు అని చేసిన వ్యాఖ్యలు చర్చనీయాంశంగా మారాయి.