BCCI : బీసీసీఐ నూతన అధ్యక్షుడిగా రోజర్‌ బిన్నీ

ముంబయి :  బీసీసీఐ నూతన అధ్యక్షుడిగా రోజర్‌ బిన్నీ ఎన్నికయ్యారు. భారత మాజీ ఆటగాడు, 1983 ప్రపంచకప్‌ విజేత జట్టు సభ్యుడైన బిన్నీ.. బీసీసీఐ 36వ అధ్యక్షుడిగా కొనసాగనున్నారు. సౌరభ్‌ గంగూలీ నుంచి ఆయన బాధ్యతలు స్వీకరించనున్నారు. ముంబయిలో నిర్వహించిన వార్షిక సర్వసభ్య సమావేశంలో ఆయన్ను బీసీసీఐ నూతన అధ్యక్షుడిగా ప్రకటించారు. బిన్నీ ఒక్కరే ఈ పదవికి నామినేషన్‌ దాఖలు చేయడంతో ఏకగ్రీవంగా ఎన్నికయ్యారు.

కర్ణాటక క్రికెట్‌ అసోసియేషన్‌ ప్రెసిడెంట్‌గా ఉన్న బిన్నీ.. ప్రస్తుతం ఆ పదవిని వదులుకోనున్నారు. సందీప్‌ పాటిల్‌ బీసీసీఐ సెలక్షన్‌ కమిటీ ఛైర్మన్‌గా ఉన్న సమయంలో బిన్నీ సీనియర్‌ సెలక్షన్‌ కమిటీ సభ్యుడిగానూ కొనసాగారు. మీడియం పేసరైన బిన్నీ 1983 ప్రపంచకప్‌ విజయంలో కీలక పాత్ర పోషించారు. ఎనిమిది మ్యాచ్‌లు ఆడి 18 వికెట్లు పడగొట్టాడు. ఆ టోర్నీలో అత్యధిక వికెట్లు తీసిన బౌలర్‌గానూ రికార్డు సృష్టించాడు.