Sachin: 200 కొట్టకముందే హెచ్చరించాడు..
క్రికెట్లో టీమ్ఇండియా మాజీ సారథి సచిన్ తెందూల్కర్ సాధించని రికార్డు లేదు! ప్రత్యర్థి ఎంత బలమైన జట్టు అయినా.. బౌలర్ ఎంతటి కఠినాత్ముడైనా అదరక బెదరక బ్యాటింగ్ చేయడమే మాస్టర్ బ్లాస్టర్ ప్రత్యేకత...
ఉప్పల్లో ఆస్ట్రేలియాపై వన్ మ్యాన్ షో..!
క్రికెట్లో టీమ్ఇండియా మాజీ సారథి సచిన్ తెందూల్కర్ సాధించని రికార్డు లేదు! ప్రత్యర్థి ఎంత బలమైన జట్టు అయినా.. బౌలర్ ఎంతటి కఠినాత్ముడైనా అదరక బెదరక బ్యాటింగ్ చేయడమే మాస్టర్ బ్లాస్టర్ ప్రత్యేకత. ఈ క్రమంలోనే సుదీర్ఘ కెరీర్లో ఎన్నో మైలురాళ్లు చేరుకున్నాడు. క్రికెట్ చరిత్రలో వన్డే ఫార్మాట్లో ఎవరైనా ద్విశతకం సాధిస్తారా అనుకునే రోజుల్లో ఆ ఘనత సాధించి యావత్ ప్రపంచాన్ని మైమరపించాడు. అయితే, అంతకు నాలుగు నెలల ముందే 50 ఓవర్ల ఫార్మాట్లో ఆ రికార్డు చేరుకుంటానని సచిన్ చెప్పకనే చెప్పాడు. ఆ విశేషాలేంటో ఓసారి తెలుసుకుందాం..
సచిన్ ఉద్దేశం..
ఏడు వన్డేల సిరీస్లో భాగంగా రికీ పాంటింగ్ నేతృత్వంలోని ఆస్ట్రేలియా జట్టు 2009 అక్టోబర్-నవంబర్ కాలంలో భారత పర్యటనకు వచ్చింది. అప్పుడు హైదరాబాద్ వేదికగా జరిగిన ఐదో వన్డేలో కంగారూలు 3 పరుగుల తేడాతో విజయం సాధించారు. కానీ, ఆ మ్యాచ్లో మాస్టర్ బ్లాస్టర్ ఆస్ట్రేలియాకు చెమటలు పట్టించాడు. 350 పరుగుల భారీ లక్ష్యంలో ఒక్కడే 175 పరుగులు బాదాడు. దాంతో మ్యాచ్ను గెలిపించినంత పని చేయడమే కాకుండా వన్డేల్లో ద్విశతకం చేయొచ్చనే అభిప్రాయాన్ని బలంగా కలిగించాడు.
షేన్, షాన్ షో..
అప్పటికే ఆస్ట్రేలియా, టీమ్ఇండియా జట్లు చెరో రెండు మ్యాచ్లు గెలిచి జోరుమీదున్నాయి. కీలకమైన ఐదో వన్డేలో విజయం సాధించి సిరీస్లో ముందుకు సాగాలని ఇరు జట్లూ పట్టుదల మీదున్నాయి. ఈ క్రమంలోనే ఉప్పల్ రాజీవ్గాంధీ స్టేడియంలో జరిగిన ఆ మ్యాచ్లో తొలుత బ్యాటింగ్ చేసిన ఆస్ట్రేలియా నాలుగు వికెట్ల నష్టానికి 350 పరుగులు చేసింది. ఓపెనర్లు షేన్ వాట్సన్(93; 89 బంతుల్లో 9x4, 3x6), షాన్ మార్ష్(112; 112 బంతుల్లో 8x4, 2x6) అద్భుతంగా ఆడారు. భారత బౌలర్లపై ఆధిపత్యం చెలాయించారు. అనంతరం రికీ పాంటింగ్(45; 45 బంతుల్లో 3x4, 1x6), కామెరూన్ వైట్(57; 33 బంతుల్లో 2x4, 5x6), మైఖేల్ హస్సీ(31*; 22 బంతుల్లో 1x4, 2x6) తలా ఓ చేయి వేయడంతో టీమ్ఇండియా ముందు భారీ లక్ష్యాన్ని నిర్దేశించారు.
సచిన్ పోరాటం..
ఛేదనలో సచిన్(175; 141 బంతుల్లో 19x4, 4x6) ఒంటరిపోరాటం చేశాడు. మరో ఓపెనర్ వీరేంద్ర సెహ్వాగ్(38; 30 బంతుల్లో 5x4, 1x6) శుభారంభం చేసినా భారీ ఇన్నింగ్స్ ఆడలేకపోయాడు. ఆపై వచ్చిన బ్యాట్స్మెన్ వచ్చినట్టు పెవిలియన్ కు క్యూ కట్టారు. గంభీర్(8), యువరాజ్ (9), కెప్టెన్ ధోనీ(6) విఫలమయ్యారు. దాంతో 162 పరుగులకే భారత్ నాలుగు ప్రధాన వికెట్లు కోల్పోయి ఇబ్బందుల్లో పడింది. ఈ క్రమంలో సచిన్తో జోడీ కట్టిన సురేశ్ రైనా(59; 59 బంతుల్లో 3x4, 3x6) అర్ధశతకంతో మెరిశాడు. ఐదో వికెట్కు వీరిద్దరూ 137 పరుగుల కీలక భాగస్వామ్యం నెలకొల్పి మ్యాచ్పై ఆశలు పెంచారు. సచిన్ రెచ్చిపోగా రైనా అండగా నిలిచాడు. దాంతో తెందూల్కర్ అప్పటికి తన వ్యక్తిగత అత్యధిక పరుగుల రికార్డు (186) బ్రేక్ చేసేలా కనిపించాడు. కానీ, కీలక సమయంలో ఔటవ్వడంతో మ్యాచ్ చేజారిపోయింది. చివర్లో రవీంద్ర జడేజా(23; 17 బంతుల్లో 3x4) పోరాడినా ఫలితం లేకపోయింది. చివరికి భారత్ 49.4 ఓవర్లలో 347 పరుగులకు ఆలౌటై స్వల్ప తేడాతో ఓటమిలైంది.
అయితే, ఈ మ్యాచ్ చూసిన అభిమానులకు సచిన్ ఓ గొప్ప సందేశాన్ని ఇచ్చాడు. అతడు ఔటయ్యే సమయానికి ఇంకా మూడు ఓవర్లు మిగిలి ఉండగా అప్పటికే 175 పరుగులు చేశాడు. ఒకవేళ ఔటవ్వకుండా అలాగే బ్యాటింగ్ చేసి ఉంటే.. అందులో కనీసం పది బంతులు ఎదుర్కొన్నా ఈ ఫార్మాట్లో ద్విశతకం సాధించొచ్చనే అభిప్రాయాన్ని బలంగా కలిగించాడు. ఈ నేపథ్యంలోనే నాలుగు నెలల వ్యవధిలో ఆ ఘనత సాధించి అందర్నీ ఆకట్టుకున్నాడు. 2009 నవంబర్లో ఆస్ట్రేలియాపై 175 పరుగులు చేసిన అతడు 2010 ఫిబ్రవరిలో దక్షిణాఫ్రికాపై (200*) బాదాడు. అలా టీమ్ఇండియా మాజీ సారథి తాను కొట్టబోయే రికార్డును ముందుగానే హెచ్చరించాడు.
-ఇంటర్నెట్డెస్క్ ప్రత్యేకం..
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
ప్రస్తుత ఐపీఎల్ సీజన్లో అత్యంత దారుణంగా ట్రోలింగ్కు గురైన కెప్టెన్ హార్దిక్ పాండ్య (Hardik Pandya). ఏ మైదానంలో చూసినా అతడిని హేళన చేస్తూ ఫ్యాన్స్ హోరెత్తించారు. -
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
లఖ్నవూ చేతిలో చెన్నైకి వరుసగా రెండో ఓటమి ఎదురైంది. ఈసారి సొంత మైదానంలోనే పరాజయం పొందడంతో ఆ జట్టు అభిమానులను నిరాశకు గురి చేస్తోంది. -
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్
మరో మూడు రోజుల్లో టీ20 ప్రపంచ కప్ కోసం భారత జట్టును ప్రకటించే అవకాశం ఉంది. ఈ నేపథ్యంలో ఇర్ఫాన్ పఠాన్ తన టీమ్ను వెల్లడించాడు. -
ఉచిత ఆధార్ కోసం వార్నర్ పరుగులు.. వీడియో చూశారా..?
David Warner: దిల్లీ ఆటగాడు డేవిడ్ వార్నర్.. భారత గుర్తింపు కార్డు ఆధార్ కోసం పరిగెడుతున్నాడు. ఈ వీడియో ఇప్పుడు నెట్టింట చక్కర్లు కొడుతోంది. ఇందులో అతడు హిందీలో మాట్లాడటం విశేషం. -
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
సెంచరీతో చెన్నైపై భారీ లక్ష్యాన్ని ఛేదించడంలో లఖ్నవూ బ్యాటర్ స్టాయినిస్ కీలక పాత్ర పోషించాడు. ఒకదశలో ఓడిపోతామని భావించిన ఆ జట్టును చివరి వరకూ క్రీజ్లో ఉండి విజయతీరాలకు చేర్చాడు. -
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
62వేల మంది వాలంటీర్లు రాజీనామా చేశారు.. కోర్టుకు తెలిపిన ఈసీ న్యాయవాది
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు