Breaking | Feedback | ePratibha | E-PAPER | Pratibha

Sachin Tendulkar: సచిన్‌ భారీ సిక్స్‌.. 1998 రోజుల్ని గుర్తుచేస్తోన్న మాస్టర్‌ బ్లాస్టర్‌

మైదానంలో మెరుపులు.. కళ్లు చెదిరే సిక్సులు.. తనదైన ట్రేడ్‌మార్క్‌ షాట్లు.. ఇలా ఒకప్పటి సచిన్‌ను ‘రోడ్ సేఫ్టీ వరల్డ్‌ సిరీస్‌’ మనముందుకు తీసుకువస్తోంది

Updated : 24 Sep 2022 09:19 IST

(ఫొటో : రోడ్‌ సేఫ్టీ వరల్డ్‌ సిరీస్‌ ట్విటర్‌)

ఇంటర్నెట్‌ డెస్క్‌: మైదానంలో మెరుపులు.. కళ్లు చెదిరే సిక్సులు.. తనదైన ట్రేడ్‌మార్క్‌ షాట్లు.. ఇలా ఒకప్పటి సచిన్‌ను ‘రోడ్ సేఫ్టీ వరల్డ్‌ సిరీస్‌’ మనముందుకు తీసుకువస్తోంది. ప్రస్తుతం జరుగుతోన్న ఈ సిరీస్‌లో సచిన్‌ ‘ఇండియా లెజెండ్స్‌’కు సారథ్యం వహిస్తోన్న విషయం తెలిసిందే. 49 ఏళ్ల వయసులోనూ బ్యాట్‌తో మైదానంలో ఆనాటి మెరుపులు మెరిపిస్తూ అభిమానులను అలరిస్తున్నాడు. బుధవారం జరిగిన మ్యాచ్‌లో ఈ మాస్టర్‌ బ్లాస్టర్‌ మరోసారి తన సత్తా చాటాడు.

ఇంగ్లాండ్‌ లెజెండ్స్‌తో జరిగిన మ్యాచ్‌లో కేవలం 20 బంతుల్లో 40 పరుగులు చేసి సచిన్‌ ఔరా అనిపించాడు. ఇందులో అబ్బురపరిచే మూడు భారీ సిక్సులు ఉండటం మరో విశేషం. క్రిష్‌ ట్రెమ్లెట్‌ బౌలింగ్‌లో వరుసగా రెండు సిక్స్‌లు, ఒక ఫోరు బాది ప్రత్యర్థి ఫీల్డర్లతోపాటు స్కోరు బోర్డును పరుగులు పెట్టించాడు. ఈ ఓవర్‌లో సచిన్‌ కొట్టిన రెండో సిక్స్‌ ఇప్పుడు సోషల్‌మీడియాలో వైరల్‌గా మారింది. 1998లో షార్జాలో ఆడిన ఇన్నింగ్స్‌లోని షాట్‌తో ఇప్పుడు అతడు కొట్టిన సిక్స్‌ను పోల్చుతూ అభిమానులు మాస్టర్‌ బ్లాస్టర్‌ను
మెచ్చుకుంటున్నారు. ఇక 15 ఓవర్లకు కుదించిన ఈ మ్యాచ్‌లో ఇండియా లెజెండ్స్‌ జట్టు 5 వికెట్ల నష్టానికి 170 పరుగులు చేయగా.. ఇంగ్లాండ్‌ లెజెండ్స్‌ 6 వికెట్ల నష్టానికి 130 పరుగులకే పరిమితమైంది.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.