Shane Warne: థాయ్లాండ్కు వెళ్లకముందే షేన్వార్న్కు ఛాతిలో నొప్పి
లెజెండరీ స్పిన్నర్ షేన్వార్న్ విశ్రాంతి కోసం థాయ్లాండ్కు వెళ్లకముందే ఛాతిలో నొప్పి వస్తుందని, తనకు చెమటలు పడుతున్నాయని చెప్పాడని ఆయన మేనేజర్ జేమ్స్ ఎర్స్కిన్ వెల్లడించారు...
మేనేజర్ జేమ్స్ ఎర్స్కైన్
ఇంటర్నెట్డెస్క్: లెజెండరీ స్పిన్నర్ షేన్వార్న్ విశ్రాంతి కోసం థాయ్లాండ్కు వెళ్లకముందే ఛాతిలో నొప్పి వస్తోందని, తనకు చెమటలు పడుతున్నాయని చెప్పాడని ఆయన మేనేజర్ జేమ్స్ ఎర్స్కిన్ వెల్లడించారు. వార్న్ గత శుక్రవారం థాయ్లాండ్లోని ఓ ప్రైవేటు విల్లాలో గుండెపోటుతో మృతిచెందాడని పోలీసులు అనుమానిస్తున్న సంగతి తెలిసిందే. ఈ నేపథ్యంలోనే తాజాగా ఆయన మేనేజర్ ఓ మీడియాతో మాట్లాడుతూ ఈ ఆసక్తికర విషయాలు చెప్పాడు.
‘షేన్వార్న్ ఇంతకుముందు కూడా ఇలాగే పలుమార్లు ఏవేవో డైటింగ్లు చేశాడు. దీంతో 14 రోజుల పాటు కేవలం ద్రవ పదార్థాలనే తీసుకున్నాడు. ఆ సమయంలో పలు రకాల జ్యూస్లు కూడా తాగేవాడు. మరోవైపు అతడు ఎల్లప్పుడూ ధూమపానం కూడా చేసేవాడు. అయితే, ఇప్పుడెలా చనిపోయాడో నాకు తెలియదు. నేనైతే గుండెపోటుతోనే మృతిచెంది ఉంటాడని భావిస్తున్నా. అదే జరిగి ఉండొవచ్చు. ఆస్ట్రేలియా నుంచి థాయ్లాండ్కు వెళ్లేముందు ఛాతిలో నొప్పి ఉందని, చెమటలు పడుతున్నాయని కూడా చెప్పాడు’ అని మేనేజర్ పేర్కొన్నాడు. ఇటీవల వార్న్ సైతం ఇదే విషయంపై ఓ డాక్టర్ను సంప్రదించాడని థాయ్లాండ్ పోలీసులు తెలిపారు.
మరోవైపు షేన్వార్న్ కుటుంబ సభ్యులు కూడా అతడికున్న ఆరోగ్య సమస్యలు, ఆస్థమా వంటి విషయాలపై థాయ్లాండ్ పోలీసులకు పూర్తి సమాచారం ఇచ్చారని తెలిసింది. ఇక వార్న్ అచేతనంగా పడి ఉన్న సమయంలో ఆస్పత్రికి తీసుకెళ్లేముందు ఏం జరిగిందనే విషయాన్ని పారామెడిక్ (అత్యవసర సమయంలో చికిత్స అందించే వ్యక్తి) మీడియాకు చెప్పాడు. ‘ఆ సమయంలో వార్న్ స్నేహితులు చాలా కంగారు పడ్డారు. తొలుత సీపీఆర్ నిర్వహించి అతడికి శ్వాస అందించేందుకు ప్రయత్నించారు. తర్వాత నేను సీపీఆర్ నిర్వహిస్తుంటే వాళ్లు భయపడి ఏడుస్తున్నారు. ఒకతను కమాన్ షేన్, కమాన్ షేన్ అంటూ పిలిచాడు’ అని పారామెడిక్ వివరించాడు. కాగా, తాను అక్కడికి వెళ్లినప్పుడు అక్కడ పార్టీ చేసుకున్న ఆనవాళ్లేవీ కనపడలేదని, మందు కానీ, సిగరెట్లు కానీ తాను చూడలేదని స్పష్టం చేశాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది. -
అక్కడ బుర్ర పగిలిపోతుంది
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు.