Published : 01 Apr 2022 01:28 IST

Shane Warne: అప్పుడు రాజస్థాన్‌ గెలవడానికి షేన్‌వార్నే కారణం: వాట్సన్‌

ఇంటర్నెట్‌డెస్క్‌: టీ20 మెగా లీగ్‌లో రాజస్థాన్‌ తొలి సీజన్‌లో గెలవడానికి నాటి సారథి షేన్‌వార్న్‌ ముఖ్యకారణమని ఆ జట్టు మాజీ ఆల్‌రౌండర్‌ షేన్‌వాట్సన్‌ గుర్తుచేసుకున్నాడు. తనని ఈ టీ20 లీగ్‌కు పరిచయం చేసింది కూడా అతడేనని చెప్పాడు. తాజాగా ఓ పాడ్‌కాస్ట్‌లో మాట్లాడిన వాట్సన్‌.. షేన్‌వార్న్‌ గురించి ఆసక్తికర వ్యాఖ్యలు చేశాడు.

‘2008లో నేను ఆస్ట్రేలియా జట్టులో ఉన్నప్పుడు గాయాలతో సతమతమవుతూ ఉన్నా. వాటివల్ల తరచూ జట్టులో స్థానం కోల్పోయేవాడిని. దీంతో నాకు చిరాకేసేది. నేను జట్టులోకి వచ్చినప్పుడల్లా ఏదో ఒక గాయంతో అవస్థలు పడేవాడిని. దాంతో మ్యాచ్‌లకు దూరమయ్యేవాడిని. అప్పుడే వార్న్‌ నన్ను రాజస్థాన్‌ టీమ్‌కు తీసుకుంటున్నట్లు చెప్పాడు. నన్ను ఎంపిక చేసి అక్కడ నాలోని అత్యుత్తమ ఆటగాడిని బయటకు తీస్తానని చెప్పాడు’ అని వాట్సన్‌ వివరించాడు. అతడు ఆ జట్టుకు నాలుగేళ్లు కెప్టెన్‌, కోచ్‌గా పనిచేశాడని.. అందుకు ఎంతో సంతోషించాడని మాజీ క్రికెటర్‌ పేర్కొన్నాడు. ఆస్ట్రేలియా జట్టులో దక్కని గౌరవం అక్కడ దక్కిందని అన్నాడు. దీంతో వార్న్‌ ఎంతో ఇష్టపడి కెప్టెన్సీ చేశాడన్నాడు. అలాగే ఒక కోచ్‌గా అతడికి.. ఆటగాళ్లలోని అత్యుత్తమ నైపుణ్యాలను ఎలా వెలికి తీయాలో కూడా తెలుసన్నాడు. అతడి వల్లే రాజస్థాన్‌ తొలి సీజన్‌లో విజయం సాధించిందన్నాడు. ఆటగాళ్లలోని నైపుణ్యాలను బయటకు తీయడమే కాకుండా చాలా త్వరగా వారిని ఒక బృందంగా తీర్చిదిద్ది విజేతగా నిలిపాడని వాట్సన్‌ వివరించాడు.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts