Published : 06 Apr 2021 14:18 IST

డికాక్‌ చేసింది మోసమని చెప్పను కానీ.. : అక్తర్‌ 

అలా చేయాల్సింది కాదు

ఇంటర్నెట్‌డెస్క్‌: దక్షిణాఫ్రికా-పాకిస్థాన్‌ జట్ల మధ్య జరిగిన రెండో వన్డేలో ఫకర్‌ జమాన్‌(193) వివాదాస్పద రనౌట్‌ విషయంలో క్వింటన్‌ డికాక్‌ మోసం చేశాడని తాను అననని.. కానీ అతడలా చేయాల్సింది కాదని పాక్‌ మాజీ పేసర్‌ షోయబ్‌ అక్తర్‌ అభిప్రాయపడ్డాడు. తొలుత ఈ విషయంపై మ్యాచ్‌ అనంతరం ట్వీట్‌ చేసిన అక్తర్‌.. జమాన్‌ అద్భుతంగా ఆడాడని మెచ్చుకున్నాడు. అలాగే అతడు ద్విశతకానికి అర్హుడని కొనియాడాడు. అయితే.. డికాక్‌ క్రికెట్‌ స్ఫూర్తిని మరిచి జమాన్‌ ఔటయ్యేలా చేశాడని మండిపడ్డాడు.

తాజాగా ఓ యూట్యూబ్‌ ఛానల్‌లో మాట్లాడిన అక్తర్‌..‘డికాక్‌ చేసిందాన్ని నేను మోసం అని పిలవను. కానీ అది క్రీడాస్ఫూర్తికి లోబడి లేదు. ఈ రనౌట్‌ విషయంలో అదే నాకు నచ్చలేదు. డికాక్‌ చాలా గొప్ప ఆటగాడు. అతడు కచ్చితంగా ఇలా చేయాల్సింది కాదు. జమాన్‌ రెండో పరుగు కోసం పరుగెత్తినప్పుడు ఫీల్డర్‌ బంతిని నాన్‌స్ట్రైకర్‌ ఎండ్‌ వైపు విసిరి ఉంటాడని అనుకున్నాడు. అప్పుడే డికాక్‌ కూడా చేయిపైకెత్తిన సైగలు చేశాడు’ అని స్పందించాడు.

ఫకర్‌ 193 పరుగుల వద్ద ఔటవ్వడం తనకు నచ్చలేదని, ఎందుకంటే పాకిస్థాన్‌ తరఫున అతడు రెండు ద్విశతకాలు బాదిన ఏకైక క్రికెటర్‌ అవ్వాలని భావించానని మాజీ పేసర్‌ చెప్పుకొచ్చాడు. ఆ రనౌట్‌ విషయంలో అప్పటికప్పుడే నిర్ణయం తీసుకొని దక్షిణాఫ్రికాకు పెనాల్టీ పరుగులు వేసుంటే పాక్‌ గెలిచేదని అన్నాడు. ఈ విషయం తనని తీవ్రంగా కలచివేసిందని తెలిపాడు. అలాగే మ్యాచ్‌ రీఫరీ అక్కడ ఉండి అన్ని విషయాలు చూసుకుంటున్నప్పుడు, పదే పదే రీప్లేలు చూస్తూ.. వెంటనే తగిన చర్యలు ఎందుకు తీసుకోలేకపోతున్నారని అక్తర్‌ ప్రశ్నించాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని