Sunil Gavaskar: నేను సెలెక్టర్ అయితే.. టీ20 ప్రపంచకప్లో డీకే పక్కా: గావస్కర్
బెంగళూరు బ్యాట్స్మన్, వికెట్ కీపర్ దినేశ్ కార్తీక్ ప్రస్తుతం జరుగుతోన్న టీ20 లీగ్ 15వ సీజన్లో రెచ్చిపోతున్న సంగతి తెలిసిందే...
ఇంటర్నెట్డెస్క్: బెంగళూరు బ్యాట్స్మన్, వికెట్ కీపర్ దినేశ్ కార్తీక్ ప్రస్తుతం జరుగుతోన్న టీ20 లీగ్ 15వ సీజన్లో రెచ్చిపోతున్న సంగతి తెలిసిందే. ఫినిషర్గా దంచికొడుతూ ఆ జట్టు విజయాల్లో కీలక పాత్ర పోషిస్తున్నాడు. దీంతో ఎలాగైనా రాబోయే టీ20 ప్రపంచకప్లో చోటు దక్కించుకోవాలని చూస్తున్నాడు. ఇదే విషయంపై బ్యాటింగ్ దిగ్గజం సునీల్ గావస్కర్ స్పందిస్తూ.. తాను టీమ్ఇండియా సెలెక్టర్ అయితే కచ్చితంగా అతడిని ఎంపిక చేస్తానని చెబుతున్నాడు. గతేడాది ప్రపంచ టెస్టు ఛాంపియన్షిప్ సందర్భంగా డీకేతో కలిసి కామెంట్రీ చేశానని అన్నాడు. దీంతో అతడి ఆలోచనలేంటో తనకు తెలుసన్నాడు.
‘గతేడాది ఇంగ్లాండ్లో జరిగిన ప్రపంచ టెస్టు ఛాంపియన్షిప్ సందర్భంగా మేమిద్దరం కలిసి కామెంట్రీ చేశాం. అంతకు ముందు క్వారంటైన్లో ఉన్నప్పుడు కూడా చాలా సమయం కలిసి ఉన్నాం. నాటి నుంచే అతడు మళ్లీ టీమ్ఇండియాకు ఎంపికవ్వాలని, రాబోయే టీ20 ప్రపంచకప్లో ఆడాలని ఎంత పట్టుదలతో ఉన్నాడో నాకు తెలిసింది. గతేడాది ప్రపంచకప్కు ఎంపిక అవ్వకపోయినా, ఇప్పుడు ఆడుతున్న తీరు చూస్తే కచ్చితంగా జట్టులో ఉండాలి. నేను సెలెక్టర్ అయితే తప్పకుండా ఎంపిక చేస్తా’ అని గావస్కర్ చెప్పుకొచ్చాడు.
‘చాలా మంది ఫామ్ టెంపరరీ, క్లాస్ పర్మినెంట్ అంటారు. అలాంటప్పుడు క్లాస్ ప్లేయర్ మంచి ఫామ్లో ఉన్నప్పుడు కచ్చితంగా జట్టులోకి తీసుకోవాలి. డీకే ఇప్పుడు ఆడుతున్న తీరును బట్టి.. టీ20 ప్రపంచకప్లో పక్కా బ్యాట్స్మన్గా తీసుకోవాలి. కీపింగ్ అనేది అదనపు బాధ్యతలుగా అప్పగించాలి’ అని బ్యాటింగ్ లెజెండ్ పేర్కొన్నాడు. కాగా, 2019 వన్డే ప్రపంచకప్లో అవకాశం వచ్చినా కార్తీక్ సద్వినియోగం చేసుకోలేకపోయాడు. తర్వాత అతడు మళ్లీ టీమ్ఇండియాకు ఎంపికవ్వలేదు. కానీ, ఈసారి ఎలాగైనా చోటు దక్కించుకోవాలని గట్టి ప్రయత్నం చేస్తున్నాడు. ఈ క్రమంలోనే ప్రస్తుత సీజన్లో మెరుపు బ్యాటింగ్తో అలరిస్తున్నాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.