SRH vs RR: ఆరెంజ్ రాత మారేనా?
2016లో ఛాంపియన్స్.. వరుసగా నాలుగేళ్లు ప్లేఆఫ్స్. కానీ గత రెండు సీజన్లలో ఘోర వైఫల్యం. నిరుడు 10 జట్లలో ఎనిమిదో స్థానం. అంతకుముందు 8 జట్లలో చిట్టచివరి ర్యాంకు.
సన్రైజర్స్కు తొలి పరీక్ష
రాజస్థాన్తో మ్యాచ్ నేడు
2016లో ఛాంపియన్స్.. వరుసగా నాలుగేళ్లు ప్లేఆఫ్స్. కానీ గత రెండు సీజన్లలో ఘోర వైఫల్యం. నిరుడు 10 జట్లలో ఎనిమిదో స్థానం. అంతకుముందు 8 జట్లలో చిట్టచివరి ర్యాంకు. ఐపీఎల్లో గత ఏడేళ్లలో సన్రైజర్స్ హైదరాబాద్ ప్రస్థానమిది. వరుసగా రెండు సీజన్లలో వైఫల్యం నేపథ్యంలో కోచ్, కెప్టెన్తో సహా పూర్తి ప్రక్షాళన చేసిన సన్రైజర్స్ 2023 సీజన్కు సిద్ధమైంది. కొత్త కెప్టెన్.. సరికొత్త కూర్పుతో కనిపిస్తున్న ఆరెంజ్ ఆర్మీ ఆదివారం ఉప్పల్ స్టేడియంలో రాజస్థాన్ రాయల్స్ పోరుతో ఐపీఎల్-16కు శ్రీకారం చుట్టనుంది.
బ్యాటింగ్ ప్రక్షాళన: సన్రైజర్స్ బ్యాటింగ్ అంటే గుర్తొచ్చేది డేవిడ్ వార్నర్, జానీ బెయిర్స్టోల జోడీనే. ఈ జోడీ విడిపోవడం.. వార్నర్ కూడా దూరమవడంతో ఆ జట్టు బ్యాటింగ్ పూర్తిగా గాడితప్పింది. దీంతో బ్యాటింగ్ కోచ్ బ్రయాన్ లారాకు పూర్తిస్థాయి బాధ్యతలు అప్పగించిన సన్రైజర్స్ ఆటగాళ్ల వేలం పాటలో బ్యాటింగ్ లోతును పెంచుకుంది. మయాంక్ అగర్వాల్, అభిషేక్శర్మ, రాహుల్ త్రిపాఠితో టాప్ ఆర్డర్ను సిద్ధం చేసుకుంది. ఇంగ్లాండ్ యువ సంచలనం హ్యారీ బ్రూక్, మార్క్రమ్, అబ్దుల్ సమద్, గ్లెన్ ఫిలిప్స్, హెన్రిచ్ క్లాసెన్లతో మిడిలార్డర్ను బలంగా తీర్చిదిద్దింది. స్పిన్ ఆల్రౌండర్ వాషింగ్టన్ సుందర్ను కలుపుకుంటే ఎనిమిదో నంబరు వరకు సన్రైజర్స్కు బ్యాటింగ్ వనరులు ఉన్నట్లే. దక్షిణాఫ్రికా టీ20 లీగ్లో సన్రైజర్స్ ఈస్టర్న్ కేప్కు టైటిల్ అందించిన మార్క్రమ్ను హైదరాబాద్ ఫ్రాంచైజీ కెప్టెన్గా ఎంపిక చేసుకుంది. తొలి మ్యాచ్కు మార్క్రమ్ అందుబాటులో లేకపోయినా సీజన్ మొత్తానికి అతనే సారథి. నిరుడు సన్రైజర్స్ తరఫున రాణించిన మార్క్రమ్ నాయకత్వ లక్షణాలు, అనుభవం, బ్యాటింగ్ ఫామ్ ఈసారి జట్టుకు కలిసిరావొచ్చు. జట్టులో బ్రూక్ చేరిక మరో కీలక పరిణామం. నిరుడు సెప్టెంబరులో అంతర్జాతీయ క్రికెట్లో అరంగేట్రం చేసిన 24 ఏళ్ల బ్రూక్ ఇంగ్లాండ్ టెస్టు జట్టు తరఫున రికార్డులతో హోరెత్తిస్తున్నాడు. పాకిస్థాన్లో ఇంగ్లాండ్కు చరిత్రాత్మక టెస్టు సిరీస్ విజయాన్ని అందించిన బ్రూక్.. ఇప్పటి వరకు 10 ఇన్నింగ్స్ల్లో 80.90 సగటు, 98.77 స్ట్రైక్రేటుతో 809 పరుగులు సాధించాడు. దేశవాళీ టీ20ల్లో 99 మ్యాచ్ల్లో 148.38 స్ట్రైక్రేటుతో 2432 పరుగులు రాబట్టాడు. భారీ అంచనాలతో బరిలో దిగుతున్న బ్రూక్ ఐపీఎల్ స్టార్ అవుతాడో లేదో చూడాలి.
ఉమ్రాన్ వేగం..: ఎప్పట్లాగే సన్రైజర్స్ బౌలింగ్ విభాగానికి భువనేశ్వర్ కుమార్ నాయకత్వం వహించనున్నాడు. మార్క్రమ్ గైర్హాజరీలో రాజస్థాన్తో పోరులో భువి జట్టును ముందుండి నడిపించనున్నాడు. భువి స్వింగ్, అనుభవం సానుకూలాంశాలే అయినా అతనిలో మునుపటి వాడి లేదన్నది సుస్పష్టం. డెత్లో అతని బౌలింగ్ సామర్థ్యంపైనా సందేహాలు లేకపోలేదు. అయితే తన సత్తాపై ప్రశ్నలు వచ్చిన ప్రతిసారి బౌలింగ్తో సమాధానమిచ్చిన భువి ఈసారి కూడా అదే మార్గాన్ని అనుసరించనున్నాడు. ఇక భువి, ఉమ్రాన్ మాలిక్, జాన్సెన్, నటరాజన్లతో సన్రైజర్స్ పేస్ విభాగం పటిష్టంగా కనిపిస్తుంది. భువి, నటరాజన్ లయ అందుకుంటే వాళ్ల స్వింగ్, యార్కర్లకు ప్రత్యర్థుల దగ్గర సమాధానాలు ఉండకపోవచ్చు. ఉమ్రాన్, జాన్సెన్లూ సమర్థులైన పేసర్లే. గంటకు 150 కిలోమీటర్ల వేగంతో నిలకడగా బంతులు సంధిస్తున్న జమ్మూకాశ్మీర్ ఎక్స్ప్రెస్ ఉమ్రాన్ ఈసారి సన్రైజర్స్కు కీలకం కానున్నాడు. నిరుడు 14 మ్యాచ్ల్లో 22 వికెట్లతో రాణించిన అతను.. టీమ్ఇండియా తరఫున వన్డేలు, టీ20ల్లో అనుభవమూ సంపాదించాడు. గత సీజన్లో 7 నుంచి 16 ఓవర్ల మధ్య 19 వికెట్లు తీసిన మాలిక్ మరోసారి మధ్య ఓవర్లలో ప్రభావం చూపించగలడు. గుజరాత్కు తరలివెళ్లిన లెగ్ స్పిన్నర్ రషీద్ఖాన్ లోటు అడిల్ రషీద్ ఎలా భర్తీ చేస్తాడన్నది ఆసక్తికరం.
రాజస్థాన్.. రెండో టైటిల్ కోసం: 2008 ఆరంభ ఐపీఎల్లో విజేతగా నిలిచిన రాజస్థాన్ రాయల్స్ మరోసారి టైటిల్ కోసం దండయాత్ర చేస్తూనే ఉంది. నిరుడు ఫైనల్ వరకు వచ్చిన రాజస్థాన్ చివరికి రన్నరప్ ట్రోఫీతో సరిపెట్టుకుంది. ఒకరిద్దరు మినహా దాదాపు నిరుటి జట్టుతోనే బరిలో దిగుతున్న రాజస్థాన్ ఈసారి టైటిల్పై గురిపెట్టింది. బ్యాటింగ్, బౌలింగ్లో సమతూకంగా కనిపిస్తున్న రాజస్థాన్ సమష్టిగా సత్తాచాటితే ప్రభావం చూపించగలదు. ఇంగ్లాండ్ పరిమిత ఓవర్ల కెప్టెన్ జోస్ బట్లర్ రాజస్థాన్ బ్యాటింగ్కు వెన్నుముకగా నిలవనున్నాడు. బ్యాటింగ్లో కెప్టెన్ సంజు శాంసన్, దేవదత్ పడిక్కల్, యశస్వి జైశ్వాల్.. బౌలింగ్లో చాహల్, అశ్విన్, బౌల్ట్ కీలకం కానున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కోహ్లీ Vs గంభీర్.. రస్సెల్ Vs సిరాజ్.. రింకు Vs యశ్.. ఆధిపత్యం ఎవరిదో?
బెంగళూరు - కోల్కతా జట్ల మధ్య ఆసక్తికర పోరు నేడు. ఇరు జట్లలోనూ కీలక ఆటగాళ్లు ఉన్నారు. -
కోహ్లీ అటువైపు చూస్తే ఏమవుతుందో..: బెంగళూరు మాజీ క్రికెటర్
బెంగళూరు, కోల్కతా జట్ల మధ్య మ్యాచ్ నేపథ్యంలో అందరి దృష్టి ఇద్దరి క్రికెటర్లపైనే ఉంది. -
అప్పుడు ధోనీ నన్ను ఎత్తుకోవడం ఎంతో ఆనందం కలిగించింది..: రవీంద్ర జడేజా
ధోనీతో తనకున్న అనుబంధాన్ని ఓ ఇంటర్వ్యూలో రవీంద్ర జడేజా గుర్తు చేసుకున్నాడు. -
మాకు కొత్త కెప్టెన్ ఉన్నాడు..: యాంకర్ ప్రశ్నకు ధోనీ సమాధానం
సమయస్ఫూర్తి ప్రదర్శించడంలో ధోనీ తర్వాతే ఎవరైనా. తాజాగా ఓ ఇంటర్వ్యూలో అతడు ఇచ్చిన సమాధానమే ఇందుకు ప్రత్యక్ష ఉదాహరణ. -
హెన్రిచ్ క్లాసెన్.. సన్రైజర్స్కు భలే దొరికాడు
ఐపీఎల్ 17వ సీజన్లో హైదరాబాద్ వరుసగా రెండు మ్యాచుల్లోనూ దూకుడైన బ్యాటింగ్ చేసింది. అందుకు ప్రధాన కారణం హెన్రిచ్ క్లాసెన్. -
‘మిలిటరీ తరహా కోచ్’ అంటూ వీజ్ వ్యాఖ్యలు.. ఆండ్రి రస్సెల్ కౌంటర్
భారత్లో అత్యుత్తమ కోచ్ల్లో ఒకరైన చంద్రకాంత్ పండిత్పై నమీబియా ఆటగాడు చేసిన కామెంట్లు సంచలనంగా మారాయి. వాటిని కొట్టిపడేస్తూ ఆండ్రి రస్సెల్ కీలక వ్యాఖ్యలు చేశాడు. -
కేరళలోనూ రియాన్ గురించే అడిగేవారు.. ఇప్పుడు 15 మంది కీలకమే: సంజూ
ఐపీఎల్ 17వ సీజన్లో రాజస్థాన్ దూకుడు ప్రదర్శిస్తోంది. వరుసగా రెండో విజయాన్ని నమోదు చేసి పాయింట్ల పట్టికలో రెండో స్థానానికి చేరుకుంది. -
మా అమ్మ ఇక్కడే ఉన్నారు.. 4 ఏళ్లుగా నా కష్టాలను చూశారు: రియాన్ పరాగ్
రాజస్థాన్ ఆటగాడు రియాన్ పరాగ్ ఈ ఐపీఎల్ సీజన్లో అదరగొట్టేస్తున్నాడు. దిల్లీపై భారీ ఇన్నింగ్స్తో ఆకట్టుకున్నాడు. -
హార్దిక్ సవాళ్ల ప్రయాణం..
ముంబయి ఇండియన్స్ నుంచి గుజరాత్ టైటాన్స్కు వెళ్లి కెప్టెన్గా నిరూపించుకున్నాడు హార్దిక్ పాండ్య. -
పరాగ్ ఫటాఫట్
ఆరంభంలో దిల్లీ అదరహో.. రాజస్థాన్ పరిస్థితి చూసి జాలి పడే పరిస్థితి.. కానీ ఇన్నింగ్స్ అయ్యేసరికి రాయల్స్దే పైచేయి! ఛేదన ఆరంభంలో దిల్లీదే ఆధిపత్యం.. తర్వాత రాజస్థాన్ జోరు.. మళ్లీ డీసీ పైచేయి.. అంతలోనే రాయల్స్ దూకుడు! -
క్వార్టర్స్లో సింధు
మాడ్రిడ్ స్పెయిన్ మాస్టర్స్ బ్యాడ్మింటన్ టోర్నీలో పీవీ సింధు జోరు కొనసాగుతోంది. -
విహారికి షోకాజ్ నోటీసు
టీమ్ఇండియా టెస్టు క్రికెటర్ హనుమ విహారికి ఆంధ్ర క్రికెట్ సంఘం (ఏసీఏ) షోకాజ్ నోటీసు జారీ చేసిన విషయం వెలుగులోకి వచ్చింది. -
ఐపీఎల్ అంటే క్రికెట్టేనా!
ఐపీఎల్ ఊహించని స్థాయిలో వృద్ధి చెందిందని, కొన్ని సార్లు ఈ లీగ్ అంటే క్రికెట్టేనా! అనే ఆశ్చర్యమూ కలుగుతుందని రాజస్థాన్ రాయల్స్ స్పిన్నర్ రవిచంద్రన్ అశ్విన్ అభిప్రాయపడ్డాడు. -
నితిన్ అయిదోసారి..
భారత అంపైర్ నితిన్ మేనన్ అయిదోసారి ఐసీసీ ఎలైట్ ప్యానల్లో చోటు దక్కించుకున్నాడు. ఇం -
అమ్మో నైట్రైడర్స్ కోచ్
కోల్కతా నైట్రైడర్స్ కోచ్ చంద్రకాంత్ పండిత్ కోచింగ్ విధానాలపై ఆ జట్టు మాజీ ఆటగాడు, నమీబియా ఆల్రౌండర్ డేవిడ్ వీజ్ అసహనం వ్యక్తం చేశాడు. -
నీరజ్.. దోహా టోర్నీతో షూరూ
ఒలింపిక్ ఛాంపియన్ నీరజ్ చోప్రా ఈ సీజన్ను మే 10న ఆరంభమయ్యే డైమండ్ లీగ్ దోహా అంచె టోర్నీతో షురూ చేయనున్నాడు. -
బుమ్రాను ఎందుకు కొనసాగించలేదో?
సన్రైజర్స్ హైదరాబాద్తో మ్యాచ్లో ముంబయి ఇండియన్స్ హార్దిక్ పాండ్య బౌలింగ్ వ్యూహాలు అంతుచిక్కని విధంగా సాగాయని ఆస్ట్రేలియా మాజీ కెప్టెన్ స్టీవ్ స్మిత్ అన్నాడు. -
సూర్య ఇంకొన్ని రోజులు!
సూర్యకుమార్ యాదవ్ ఐపీఎల్-17లో ముంబయి ఇండియన్స్కు అందుబాటులోకి రావడానికి ఇంకొన్ని రోజులు సమయం పడుతుందని సమాచారం. -
కోల్కతా జట్టులోకి 16 ఏళ్ల స్పిన్నర్
గాయంతో ఈ ఐపీఎల్ సీజన్కు దూరమైన ముజీబ్ ఉర్ రెహ్మాన్ స్థానాన్ని మరో అఫ్గాన్ స్పిన్నర్ అల్లా గజన్ఫర్తో కోల్కతా నైట్రైడర్స్ భర్తీ చేసింది. -
ఐపీఎల్ తొలిరోజు వీక్షకులు 16.8 కోట్లు
వీక్షణలో ఐపీఎల్-17 కొత్త రికార్డు నెలకొల్పింది. -
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
కోల్కతా, రాజస్థాన్ జట్లలో ఒక్కో మార్పు జరిగింది. ముజీబ్ స్థానంలో అల్లాహ్ ఘజన్ఫర్, ప్రసీధ్ కృష్ణ స్థానంలో కేశవ్ మహరాజ్ జట్టులోకి వచ్చారు.
తాజా వార్తలు (Latest News)
-
రూ.2లక్షల రుణమాఫీ.. విధివిధానాలు రూపొందిస్తున్నాం: మంత్రి తుమ్మల
-
జాతీయ నాయకత్వం కితాబు మనకు గర్వకారణం: రేవంత్రెడ్డి
-
బెంగళూరు కేఫ్ పేలుడు.. నిందితుల ఆచూకీ చెబితే రూ.20లక్షల రివార్డు
-
ప్రభుత్వం మారినప్పుడు కఠిన చర్యలు తీసుకుంటాం: రాహుల్ గాంధీ
-
ఫోన్ట్యాపింగ్ కేసు.. రాధాకిషన్రావుకు 14 రోజుల రిమాండ్
-
అనన్య-ఆదిత్య ఫొటోషూట్.. అల్లు అర్జున్-స్నేహారెడ్డి స్పెషల్ మూమెంట్